ആന കു​ഴി​യി​ൽ വീ​ണു; ര​ക്ഷ​പ്പെ​ടു​ത്തി ഫ​യ​ർ​ഫോ​ഴ്സ് സം​ഘം; പരുക്കുകളില്ലാതെ ആനയെ രക്ഷപ്പെടുത്തിയത് ന്യൂ​മാ​റ്റി​ക് ബാ​ഗ്  സംവിധാനത്തിലൂടെ…

പേ​രൂ​ർ​ക്ക​ട: കു​ഴി​യി​ൽ വീ​ണ ആ​ന​യെ ഫ​യ​ർ​ഫോ​ഴ്സ് സം​ഘം എ​ത്തി ര​ക്ഷ​പ്പെ​ടു​ത്തി. പ​രി​ക്കി​ല്ലാ​ത്ത ര​ക്ഷ​പ്പെ​ട്ട ആ​ന​യ്ക്ക് പ്രാ​ഥ​മി​ക ശു​ശ്രൂ​ഷ​ക​ൾ ന​ൽ​കി.

ഇ​ന്ന് രാ​വി​ലെ 8ന് ​വ​ലി​യ​ശാ​ല​യി​ലാ​ണ് സം​ഭ​വം. കാ​ന്ത​ള്ളൂ​ർ മ​ഹാ​ദേ​വ​ക്ഷേ​ത്ര​ത്തി​ലെ ശി​വ​കു​മാ​ർ എ​ന്ന 60 വ​യ​സ് പ്രാ​യ​മു​ള്ള ആ​ന​യാ​ണ് കു​ഴി​യി​ൽ അ​ക​പ്പെ​ട്ട​ത്.

ക്ഷേ​ത്രം​വ​ക കോ​മ്പൗ​ണ്ടി​ൽ ത​ള​ച്ചി​രു​ന്ന ആ​ന അ​ബ​ദ്ധ​ത്തി​ൽ സ​മീ​പ​ത്തു​ണ്ടാ​യി​രു​ന്ന കു​ഴി​യി​ൽ അ​ക​പ്പെ​ടു​ക​യാ​യി​രു​ന്നു. ത​ല​യു​ടെ ഭാ​ഗം കു​ഴി​യി​ൽ അ​ക​പ്പെ​ട്ട​തോ​ടെ എ​ഴു​ന്നേ​ൽ​ക്കാ​നാ​വാ​ത്ത അ​വ​സ്ഥ​യി​ലാ​യി ആ​ന.

ദേ​വ​സ്വം അ​ധി​കൃ​ത​ർ വി​വ​ര​മ​റി​യി​ച്ച് തി​രു​വ​ന​ന്ത​പു​രം ഫ​യ​ർ സ്റ്റേ​ഷ​ൻ ഓ​ഫീ​സി​ൽ നി​ന്ന് എ​എ​സ്ടി​ഒ വി​ജ​യ​ന്‍റെ നേ​തൃ​ത്വ​ത്തി​ൽ സീ​നി​യ​ർ ഫ​യ​ർ ആ​ൻ​ഡ് റെ​സ്ക്യൂ ഓ​ഫീ​സ​ർ ഷാ​ഫി, ഫ​യ​ർ ഓ​ഫീ​സ​ർ​മാ​രാ​യ അ​ഭി​ലാ​ഷ്, അ​ൻ​ഷാ​ദ്, എം.​വി അ​നീ​ഷ്, സാ​ജ​ൻ സൈ​മ​ൺ, നൂ​റു​ദ്ദീ​ൻ, ജ​സ്റ്റി​ൻ എ​ന്നി​വ​രു​ടെ നേ​തൃ​ത്വ​ത്തി​ൽ ഒ​രു മ​ണി​ക്കൂ​റോ​ളം പ​രി​ശ്ര​മി​ച്ചാ​ണ് ആ​ന​യെ കു​ഴി​യി​ൽ നി​ന്ന് ക​ര​യ്ക്കു ക​യ​റ്റി​യ​ത്.

ഇ​തി​നു​വേ​ണ്ടി പ്ര​ധാ​ന​മാ​യും ന്യൂ​മാ​റ്റി​ക് ബാ​ഗ് ആ​ണ് ഉ​പ​യോ​ഗി​ച്ച​ത്. ബാ​ഗി​നു​ള്ളി​ൽ എ​യ​ർ നി​റ​ച്ച ശേ​ഷം ആ​ന​യു​ടെ ത​ല​യു​ടെ ഭാ​ഗ​ത്ത് വ​ച്ച് സാ​വ​ധാ​നം കു​ഴി​യി​ൽ നി​ന്ന് പു​റ​ത്തേ​ക്ക് ഉ​യ​ർ​ത്തു​ക​യാ​യി​രു​ന്നു.

കാ​ര്യ​മാ​യ പ​രി​ക്ക് ഉ​ണ്ടാ​യി​ല്ലെ​ങ്കി​ലും കു​റേ​നേ​ര​ത്തി​ന് ശേ​ഷ​മാ​ണ് ആ​ന​യ്ക്ക് എ​ണീ​ക്കാ​ൻ സാ​ധി​ച്ച​ത്. ആ​ന പൂ​ർ​ണ ആ​രോ​ഗ്യ​വാ​ൻ ആ​ണെ​ന്ന് ഫ​യ​ർ​ഫോ​ഴ്സ് സം​ഘം അ​റി​യി​ച്ചു.