പാലാ: മകന് മെഡിക്കല്‍ അഡ്മിഷന്‍ നല്‍കാമെന്നു പറഞ്ഞ് വീട്ടമ്മയില്‍നിന്നു 25 ലക്ഷം രൂപ തട്ടിയെടുത്ത കേസില്‍ ഒരാളെ പോലീസ് അറസ്റ്റ് ചെയ്തു.
മാവേലിക്കര തെക്കേക്കര പല്ലാരിമംഗലം വടക്കേക്കുഴി ഭാഗത്ത് ബദേല്‍ അനു സാമുവല്‍ (36) നെയാണ് പാലാ പോലീസ് അറസ്റ്റ് ചെയ്തത്.
ഇയാള്‍ പാലാ പൂവരണി സ്വദേശിയായ വീട്ടമ്മയില്‍നിന്നു മകന് വെല്ലൂരില്‍ എംബിബിഎസിന് സ്റ്റാഫ് ക്വാട്ടായില്‍ അഡ്മിഷന്‍ തരപ്പെടുത്തി നല്കാമെന്ന് പറഞ്ഞ് 25 ലക്ഷം രൂപ തട്ടിയെടുത്ത് അഡ്മിഷന്‍ കൊടുക്കാതെ കബളിപ്പിക്കുകയായിരുന്നു.
തുടര്‍ന്ന് വീട്ടമ്മ പാലാ പോലീസില്‍ പരാതിനല്‍കി. അന്വേഷണസംഘം എംബിബിഎസിന് അഡ്മിഷന്‍ വേണമെന്നു പറഞ്ഞ് ഇയാളെ തന്ത്രപരമായി കുടുക്കുകയായിരുന്നു.
