പോ​പ്പു​ല​ർ ഫ്ര​ണ്ട് നേതാക്കളുടെ വീടുകളില ജ​പ്തി: ന്യൂ​ന​പ​ക്ഷ വേ​ട്ട​യാ​ക്കി പ്ര​തി​രോ​ധി​ക്കാ​ൻ സ​മ​സ്ത​യും ലീ​ഗും

കോ​ഴി​ക്കോ​ട്: നി​രോ​ധി​ത സം​ഘ​ട​ന​യാ​യ പോ​പ്പു​ല​ർ ഫ്ര​ണ്ട് ആ​ഹ്വാ​നം ചെ​യ്ത ഹ​ർ​ത്താ​ലി​ന്‍റെ മ​റ​വി​ൽ പൊ​തുമു​ത​ൽ ന​ശി​പ്പി​ച്ച​തി​നെ തു​ട​ർ​ന്ന് നേ​താ​ക്ക​ളു​ടെ സ്വ​ത്തു​ക്ക​ൾ ക​ണ്ടു​കെ​ട്ടാ​നു​ള്ള കോ​ട​തി ഉ​ത്ത​ര​വി​നെ​യും സ​ർ​ക്കാ​ർ ന​ട​പ​ടി​യെ​യും പ​രോ​ക്ഷ​മാ​യി വി​മ​ർ​ശി​ച്ച് സ​മ​സ്ത​യും മു​സ് ലിം ലീ​ഗും.

എ​സ്കെ​എ​സ്എ​സ്എ​ഫ് നേ​താ​വ് സ​ത്താ​ർ പ​ന്ത​ല്ലൂ​ർ ത​ന്‍റെ ഫേ​സ്ബു​ക്കി​ലാ​ണ് കോ​ട​തി ഉ​ത്ത​ര​വി​നെ​യും സ​ർ​ക്കാ​ർ ന​ട​പ​ടി​യെ​യും അ​തി​രൂ​ക്ഷ​മാ​യി വി​മ​ർ​ശി​ച്ച് പോ​സ്റ്റി​ട്ട​ത്.

കേ​ര​ള​ത്തി​ൽ പോ​പ്പു​ല​ർ ഫ്ര​ണ്ട് മാ​ത്ര​മ​ല്ല ഹ​ർ​ത്താ​ൽ ന​ട​ത്തി​യി​ട്ടു​ള്ള​തെ​ന്നും പോ​പ്പു​ല​ർ ഫ്ര​ണ്ട് ഹ​ർ​ത്താ​ലോ​ടെ ഇ​ത് അ​വ​സാ​നി​ക്കി​ല്ലെ​ന്നും സ​ത്താ​ർ പ​ന്ത​ല്ലൂ​ർ പ​റ​യു​ന്നു.

‘പൊ​തു​മു​ത​ൽ ന​ശി​പ്പി​ച്ചാ​ൽ അ​ത് ബ​ന്ധ​പ്പെ​ട്ട​വ​രി​ൽനി​ന്ന് തി​രി​ച്ചു​പി​ടി​ക്കാ​ൻ കോ​ട​തി​യും സ​ർ​ക്കാ​റും ജാ​ഗ്ര​ത കാ​ണി​ക്കു​ന്ന​ത് ശു​ഭ​സൂ​ച​ന​യാ​ണ്.

‌എ​ന്നാ​ൽ പോ​പ്പു​ല​ർ ഫ്ര​ണ്ട് മാ​ത്ര​മാ​ണോ ഹ​ർ​ത്താ​ൽ ന​ട​ത്തി പൊ​തു​മു​ത​ൽ ന​ശി​പ്പി​ച്ചി​ട്ടു​ള​ള​ത്. ചെ​റു​തും വ​ലു​തു​മാ​യ വി​വി​ധ സം​ഘ​ട​ന​ക​ളും സ​മ​ര​ക്കാ​രും പൊ​തു​മു​ത​ൽ ന​ശി​പ്പി​ച്ചി​ട്ടു​ണ്ട്.

ഇ​തി​ലൊ​ന്നും കാ​ണി​ക്കാ​ത്ത ജാ​ഗ്ര​ത​യ്ക്ക് പി​ന്നി​ലു​ള്ള താ​ത്പ​ര്യം എ​ന്താ​ണ്’? ഇ​താ​യി​രു​ന്നു സ​ത്താ​ർ പ​ന്ത​ല്ലൂ​ർ ത​ന്‍റെ ഫേ​സ്ബു​ക്കി​ൽ ക​ഴി​ഞ്ഞ ദി​വ​സം കു​റി​ച്ചി​ട്ട​ത്.

അ​തി​നി​ടെ മു​സ്‌ലിം ലീ​ഗ് സം​സ്ഥാ​ന പ്ര​സി​ഡ​ന്‍റ് സാ​ദി​ഖ​ലി ശി​ഹാ​ബ് ത​ങ്ങ​ളും സ്വ​ത്ത് ക​ണ്ടു കെ​ട്ട​ലി​നെ​തി​രേ രം​ഗ​ത്തെ​ത്തി​യി​രു​ന്നു.

മ​ഞ്ചേ​രി​യി​ൽ പോ​പ്പു​ല​ർ ഫ്ര​ണ്ട് നേ​താ​വി​ന്‍റെ വി​ലാ​സം മാ​റി ജ​പ്തി​ക്കെ​ത്തി​യ ന​ട​പ​ടി​യ ഉ​യ​ർ​ത്തി​ക്കാ​ട്ടി​യാ​ണ് സാ​ദി​ഖ​ലി ത​ങ്ങ​ൾ ഇ​തി​നെ​തി​രേ പ്ര​തി​ക​രി​ച്ച​ത്.

കോ​ട​തി ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ൽ പോ​പ്പു​ല​ർ ഫ്ര​ണ്ടി​നെ​തി​രാ​യ നി​യ​മ​പ​ര​മാ​യ ന​ട​പ​ടി​ക​ൾ സ്വീ​ക​രി​ക്ക​ണം. എ​ന്നാ​ൽ അ​തി​ന്‍റെ പേ​രി​ൽ വ്യാ​പ​ക​മാ​യ റെ​യ്ഡ് ന​ട​ത്തു​മ്പോ​ൾ പോ​പ്പു​ല‌​ർ ഫ്ര​ണ്ടി​ൽ പെ​ടാ​ത്ത​വ​രു​ടെ​യും തീ​വ്ര​വാ​ദ ബ​ന്ധ​മി​ല്ലാ​ത്ത​വ​രു​ടെ​യും സ്വ​ത്ത് ക​ണ്ടു​കെ​ട്ടു​ന്ന രീ​തി ഉ​ണ്ടാ​വു​ന്നു​ണ്ട്.

അ​ത് ശ​രി​യ​ല്ലെ​ന്നും അം​ഗീ​ക​രി​ക്കാ​ൻ സാ​ധി​ക്കി​ല്ലെ​ന്നു​മാ​ണ് ത​ങ്ങ​ൾ ഇ​ന്ന​ലെ കോ​ഴി​ക്കോ​ട്ട് പ​റ​ഞ്ഞ​ത്.