പാലക്കാട്: കോഴിപ്പോര് നടത്തിയ ഏഴ് പേര്‍ ചിറ്റൂരില്‍ അറസ്റ്റില്‍. ഇവരില്‍നിന്ന് ഏഴ് കൊത്തുകോഴികളെയും 53000 രൂപയും നാല് ബൈക്കുകളും പോലീസ് പിടിച്ചെടുത്തു.
എരുത്തേമ്പതി സ്വദേശികളായ കതിരേശന്‍(25), അരവിന്ദ് കുമാര്‍ (28), വണ്ണാമട സ്വദേശി ഹരിപ്രസാദ് (28), കൊഴിഞ്ഞാമ്പാറ ദിനേശ് (31), പഴനിസ്വമി (65), ശബരി (31), സജിത് (28) എന്നിവരെയാണ് പിടികൂടിയത്.
കോഴികളെ സ്‌റ്റേഷനില്‍ ലേലം ചെയ്ത് വിറ്റ ശേഷം ആ തുക കോടതിയില്‍ കെട്ടിവയ്ക്കും. കോഴികളെ തൊണ്ടിമുതലായി കോടതിയില്‍ ഹാജരാക്കാനുള്ള പ്രായോഗികമായ ബുദ്ധിമുട്ട് പരിഗണിച്ചാണ് തീരുമാനം.
