തിരുവനന്തപുരം: പ്രണയം നിരസിച്ചതിന്‍റെ പേരില്‍ പ്ലസ്‌വണ്‍ വിദ്യാര്‍ഥിനിക്ക് മര്‍ദനം. നെയ്യാറ്റിന്‍കര കെഎസ്ആര്‍ടിസി ബസ് സ്റ്റാന്‍ഡിന് സമീപത്തുവച്ച് ഇന്ന് രാവിലെ ഒമ്പതരയോടെയാണ് സംഭവം.
ഉച്ചക്കട സ്വദേശി റോണി(20) ആണ് പെണ്‍കുട്ടിയെ മര്‍ദിച്ചത്. ഇയാളെ നാട്ടുകാര്‍ തടഞ്ഞുവച്ച് പോലീസിലേല്‍പ്പിച്ചു.
സംഭവസമയത്ത് ഇയാളുടെ രണ്ട് സുഹൃത്തുക്കളും ഒപ്പമുണ്ടായിരുന്നു. ഇവര്‍ക്കായുള്ള തിരച്ചില്‍ പോലീസ് ആരംഭിച്ചിട്ടുണ്ട്.
ചൊവ്വാഴ്ച ഇതേസ്ഥലത്ത് വച്ച് പ്രണയാഭ്യര്‍ഥന നിരസിച്ച പെണ്‍കുട്ടിയെ 17കാരന്‍ മര്‍ദിച്ചിരുന്നു. നാട്ടുകാര്‍ പിടികൂടാന്‍ ശ്രമിക്കുന്നതിനിടെ കാറെടുത്ത് രക്ഷപെട്ട ഇയാള്‍ വഴിയാത്രക്കാരനെ ഇടിച്ചു തെറിപ്പിച്ചു. മറ്റ് രണ്ട് വാഹനങ്ങളിലും കാറിടിച്ചു.
ഇയാളെ കസ്റ്റഡിയിലെടുത്ത പോലീസ് പിന്നീട് സ്റ്റേഷന്‍ ജാമ്യത്തില്‍ വിട്ടയച്ചു.
