19-ാമത് ഐക്യരാഷ്ട്രസഭയുടെ സാമ്പത്തിക, സാമൂഹിക, സാംസ്‌കാരിക അവകാശ സമ്മേളനത്തില്‍ നിത്യാനന്ദയുടെ സാങ്കല്‍പ്പിക രാജ്യമായ കൈലാസത്തിന്റെ പ്രതിനിധിയായി ഏവരുടെയും ശ്രദ്ധ പിടിച്ചുപറ്റിയ ഈ സ്ത്രീ ആരാണ്? അവരുടെ ശൈലി കണ്ട് നിങ്ങള്‍ അത്ഭുതപ്പെടും.
ബലാത്സംഗ ആരോപണത്തെ തുടര്‍ന്ന് ഇന്ത്യ വിട്ട നിത്യാനന്ദ സ്ഥാപിച്ച പുതിയ രാഷ്ട്രമാണ് കൈലാസ. വിജയപ്രിയ നിത്യാനന്ദ ഐക്യരാഷ്ട്രസഭയില്‍ കൈലാസയെ പ്രതിനിധീകരിച്ചു.
കൈലാഷിനെ പ്രതിനിധീകരിച്ച് വിജയപ്രിയ നിത്യാനന്ദ, ഹിന്ദുമതത്തിലെ പരമോന്നത നേതാവിന് സംരക്ഷണം നല്‍കണമെന്ന് യുഎന്നിനോട് ആവശ്യപ്പെട്ട് യോഗത്തില്‍ സംസാരിച്ചു.
‘ഹിന്ദുമതത്തിന്റെ പരമോന്നത നേതാവായ നിത്യാനന്ദ, ഹിന്ദുമതത്തിന്റെ തദ്ദേശീയ പാരമ്പര്യങ്ങളും ജീവിതരീതികളും പുനഃസ്ഥാപിച്ചതിന് കടുത്ത പീഡനങ്ങള്‍ക്കും മനുഷ്യാവകാശ ലംഘനങ്ങള്‍ക്കും വിധേയനായിട്ടുണ്ട്.
ഹിന്ദുയിസം പഠിപ്പിക്കുന്നതില്‍ നിന്ന് വിലക്കുകയും ജനിച്ച രാജ്യത്ത് നിന്ന് നാടുകടത്തുകയും ചെയ്തു,’ പരാതിയില്‍ പറയുന്നു.
വിജയപ്രിയ നിത്യാനന്ദ അമേരിക്കയിലെ വാഷിംഗ്ടണ്‍ ഡിസിയില്‍ നിന്നുള്ള ആളാണെന്നല്ലാതെ അവരുടെ ഫേസ്ബുക്ക് പേജില്‍ ഒരു വിവരവുമില്ല.
ഫെബ്രുവരി 22 ന് സ്വിറ്റ്‌സര്‍ലന്‍ഡിലെ ജനീവയില്‍ നടന്ന ഐക്യരാഷ്ട്രസഭയുടെ പരിപാടിയില്‍ വിജയപ്രിയ കൈലാസത്തെ പ്രതിനിധീകരിച്ചു. ഐക്യരാഷ്ട്രസഭയുടെ ഈ യോഗത്തില്‍ ലോകരാജ്യങ്ങളുടെ വിദേശകാര്യ പ്രതിനിധികള്‍ പങ്കെടുത്തു. .
വിജയപ്രിയ തന്റെ ഫേസ്ബുക്ക് പേജില്‍ നിത്യാനന്ദയുടെ ഫോട്ടോ പോസ്റ്റ് ചെയ്യുകയും ‘എന്റെ പ്രിയപ്പെട്ട നിത്യാനന്ദ പരമശിവത്തിന്’ എന്ന തലക്കെട്ടില്‍ ഒരു കവിതയെഴുതുകയും ചെയ്തു.
കൈയില്ലാത്ത ബ്ലൗസും പട്ടുസാരിയും ആഭരണങ്ങളും ധരിച്ച് വൈകുണ്ഡ ഏകാദശി ആശംസകള്‍ പറഞ്ഞുകൊണ്ട് വിജയപ്രിയ പുഞ്ചിരിച്ചുകൊണ്ട് ഇരുന്നു, അവരുടെ കൈയില്‍ നിത്യാനന്ദയുടെ ചിത്രം പച്ചകുത്തിയിട്ടുണ്ട്.
സാരിയും രുദ്രാക്ഷവും സ്വര്‍ണാഭരണങ്ങളും ധരിച്ച ചിത്രങ്ങളും മോഡേണ്‍ വസ്ത്രം ധരിച്ച് നില്‍ക്കുന്ന ചിത്രങ്ങളും ഫേസ്ബുക്കില്‍ പങ്കുവെച്ചിട്ടുണ്ട്.
‘ഐ ലവ് സ്വാമിജി’ എന്ന് വിജയപ്രിയ പറയുന്നു. നിത്യാനന്ദയോടുള്ള അത്രയേറെ സ്‌നേഹമാണ് തന്റെ കൈയില്‍ തന്റെ ചിത്രം പച്ചകുത്തിയത്.
തന്റെ പേജ് പൂര്‍ണമായും നിത്യാനന്ദയുടെ ഫോട്ടോ കൊണ്ട് നിറച്ചിരിക്കുകയാണ് വിജയപ്രിയ.
നിത്യാനന്ദയെ ശിവന്റെയും വിനായകന്റെയും അവതാരങ്ങളായി ചിത്രീകരിച്ച് ഫേസ്ബുക്കില്‍ പങ്കുവെച്ചാണ് വിജയപ്രിയ നിത്യാനന്ദയെ ആഘോഷിക്കുന്നത്.
കാനഡയിലെ മാനിറ്റോബ സര്‍വകലാശാലയില്‍ നിന്ന് 2014ല്‍ മൈക്രോബയോളജിയില്‍ ബിരുദം നേടിയ വിജയപ്രിയ ഇംഗ്ലീഷ്, ഫ്രഞ്ച്, ക്രിയോള്‍, പിജിന്‍ എന്നീ ഭാഷകളില്‍ പ്രാവീണ്യം നേടിയിട്ടുണ്ടെന്നും വിജയപ്രിയയുടെ ലിങ്ക്ഡ്ഇന്‍ പേജില്‍ പറയുന്നു.
