തിരുവനന്തപുരം: അടുത്ത രണ്ടു ദിവസം സംസ്ഥാനത്ത് പകൽ താപനില 39 ഡിഗ്രി സെൽഷ്യസ് വരെ ഉയരാൻ സാധ്യതയെന്ന് കാലാവസ്ഥാ വകുപ്പ്.
ഇത് സാധാരണയെക്കാൾ അഞ്ച് ഡിഗ്രി കൂടുതലാണ് കണ്ണൂർ, കാസർഗോഡ് ജില്ലകളിൽ നിലവിലുള്ള ജാഗ്രതാ നിർദേശം തുടരും.
ഇന്നലെ തിരുവനന്തപുരത്ത് 32.8 ഡിഗ്രി സെൽഷ്യസും ആലപ്പുഴയിൽ 34.2, കൊച്ചി 33.4, കോഴിക്കോട് 35.2, പാലക്കാട് 38.5 എന്നിങ്ങനെയായിരുന്നു താപനില.
അതേസമയം സൂര്യാതപം, നിർജലീകരണം എന്നിവ വരാതെ ശ്രദ്ധിക്കണമെന്നും രണ്ടുദിവസത്തിനകം ചൂട് കുറയുമെന്നും കാലാവസ്ഥാവകുപ്പ് അറിയിച്ചു.
രാവിലെ 11മുതൽ വൈകുന്നേരം 3 വരെ നേരിട്ട് വെയിൽ ഏൽക്കുന്നത് ഒഴിവാക്കണമെന്നും നിർദേശമുണ്ട്.
