ചേർത്തല: പ്രായപൂർത്തിയാകാത്ത ആൺകുട്ടിയെ ലൈംഗികമായി പീഡിപ്പിച്ച മധ്യവയസ്കനെ പോലീസ് അറസ്റ്റ് ചെയ്തു. ചേര്‍ത്തല തെക്ക് കിഴക്കേതയ്യില്‍ തെക്കേ വെളിവീട്ടില്‍ പുഷ്കരനെയാണ് (60) അർത്തുങ്കൽ പോലീസ് അറസ്റ്റ് ചെയ്തത്.
പ്രായപൂർത്തിയാകാത്ത ആണ്‍കുട്ടിയെ മാസങ്ങളോളം പലസ്ഥലങ്ങളില്‍ വിളിച്ചുവരുത്തിയും മൊബൈല്‍ ഫോണിലൂടെ നിരന്തരം കുട്ടിയെ പിന്തുടര്‍ന്നുമാണ് ലൈംഗികാതിക്രമം നടത്തിയത്.
മകന്‍റെ സ്വഭാവത്തിലുണ്ടായ മാറ്റം വീട്ടുകാർ ശ്രദ്ധിച്ചു. സംശയം തോന്നിയ കുട്ടിയുടെ രക്ഷിതാക്കള്‍ പോലീസിനു രഹസ്യവിവരം നല്‍കുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
