മിക്ക ജീവികളിലും മനുഷ്യര്‍ക്ക് ഏറ്റവും പേടിയുള്ള ഒന്നാണല്ലൊ പാമ്പുകള്‍. പലരുടെയും മരണത്തിന് പലപ്പോഴും പാമ്പുകള്‍ കാരണമായിട്ടുണ്ട്.
എന്നാല്‍ എല്ലായ്‌പ്പോഴും പാമ്പുകള്‍ അപകടകാരികളല്ല. അവയില്‍ പലതും വിഷ രഹിതമായവയാണ് താനും. ചില രാജ്യങ്ങളിലൊക്കെ ഇത്തരം പാമ്പുകളെ ആളുകള്‍ വളര്‍ത്താറുണ്ട്.
അമേരിക്കന്‍ യൂട്യൂബറും റെപ്റ്റൈല്‍ സൂ പ്രീഹിസ്റ്റോറിക് ഇങ്കിന്‍റെ സ്ഥാപകനും സിഇഒയുമായ ജെയ് ബ്രൂവര്‍ അടുത്തിടെ തന്‍റെ ഇന്‍സ്റ്റഗ്രാമില്‍ പങ്കുവച്ച ഒരു വീഡിയോ ആണ് സമൂഹ മാധ്യമങ്ങളില്‍ ഇപ്പോൾ വൈറല്‍.
അതില്‍ രണ്ട് പെരുമ്പാമ്പുകളെ കാണാം. ഒരു വെള്ളയും ഒരു കറുപ്പും. ഇവ രണ്ടും പരസ്പരം പിണഞ്ഞാണ് കാണപ്പെടുന്നത്.
എന്നാല്‍ ഈ പാമ്പുകളുടെ വലിപ്പം കാഴ്ചക്കാരെ ഞെട്ടിച്ചു. വൈറലായി മാറിയ വീഡിയോയ്ക്ക് നിരവധി കമന്‍റുകള്‍ ലഭിച്ചു. “ഞെട്ടിച്ച കാഴ്ച’ എന്നാണൊരാള്‍ കുറിച്ചത്.
