ചെന്നൈ: ഫ്ളാറ്റിലെ കുടിവെള്ള കണക്ഷന്‍ വിച്ഛേദിച്ചതിനെതിരേ താമസക്കാര്‍ നടത്തുന്ന പ്രതിഷേധസമരത്തിന് ഐക്യദാര്‍ഢ്യം പ്രഖ്യാപിച്ചു നടി ഷക്കീല.
ചൂളൈമേട്ടിലെ ഫ്‌ളാറ്റ് സമുച്ചയത്തില്‍ നടക്കുന്ന സമരത്തിനാണ് ഷക്കീലയുടെ പിന്തുണ. 40ഓളം കുടുംബങ്ങള്‍ താമസിക്കുന്ന ഫ്‌ളാറ്റില്‍ കഴിഞ്ഞ മൂന്ന് ദിവസമായി കുടിവെള്ളം വിച്ഛേദിച്ചിരിക്കുകയാണ്.
അറ്റകുറ്റപ്പണിക്കള്‍ക്ക് വേണ്ടിയുള്ള പണം അടയ്ക്കാത്തിന്‍റെ പേരിലാണ് നടപടി. കുടിവെള്ളം നിഷേധിക്കരുതെന്നും കണക്ഷന്‍ ഉടന്‍ പുനഃസ്ഥാപിക്കണമെന്നും ഷക്കീല അധികൃതരോട് ആവശ്യപ്പെട്ടു.
സിനിമയില്‍ സജീവമല്ലാത്ത ഷക്കീല സാമൂഹികവിഷയങ്ങളിൽ നിരന്തരം ഇടപെടാറുണ്ട്.
