തലശേരി: കടൽത്തീരത്തെ വിനോദസഞ്ചാര കേന്ദ്രത്തിൽ കോളജ് വിദ്യാർഥിനിയെ പീഡിപ്പിക്കാൻ ശ്രമം. ചൊക്ലി നിടുമ്പ്രം സ്വദേശിയായ യുവാവിനെതിരേ ടൗൺ പോലീസ് കേസെടുത്തു.
ഇന്നലെ ഉച്ചകഴിഞ്ഞ് 3.10 ന് ഓവർ ബറീസ് ഫോളിയിലാണ് സംഭവം. വിവിധ വകുപ്പുകൾ പ്രകാരമാണ് ടൗൺ പോലീസ് കേസെടുത്തത്.
കോഴിക്കോട് ഡിഗ്രി വിദ്യാർഥിനിയായ പെൺകുട്ടി അഭിനവ് ആവശ്യപ്പെട്ടപ്രകാരം ട്രെയിൻ മാർഗം തലശേരിയിൽ എത്തുകയായിരുന്നു.
കടൽത്തീരത്ത് സംസാരിച്ചു കൊണ്ടിരിക്കുന്ന സമയത്ത് “നിനക്ക് എല്ലാവരോടും ചാറ്റ് ചെയ്യാൻ സമയമുണ്ട് എന്നോട് മാത്രം ചാറ്റ് ചെയ്യാൻ സമയമില്ലേ’ എന്ന് ചോദിച്ച് പ്രതി പെൺകുട്ടിയെ കടന്നുപിടിക്കുകയും മുഖത്തടിക്കുകയും ചെയ്തുവെന്നാണ് റിപ്പോർട്ട്.
