തളിപ്പറമ്പ്: കർണാടകയിലെ കോൺഗ്രസ് എംഎൽഎമാർ തളിപ്പറമ്പിൽ ക്ഷേത്ര ദർശനം നടത്തി മടങ്ങി. കർണാടകത്തിലെ സീനിയർ കോൺഗ്രസ് നേതാവും ദവാൻഗരെ നോർത്ത് എംഎൽഎയുമായ എസ്. എസ്.മല്ലികാർജുനയുടെ നേതൃത്വത്തിൽ എം എൽ എ മാർ തളിപ്പറമ്പ് രാജരാജേശ്വര ക്ഷേത്രത്തിൽ പൊന്നിൻകുടം വച്ച് തൊഴുതു.
മുൻ ഉപ മുഖ്യമന്ത്രിയും കർണാടക പ്രദേശ് കോൺഗ്രസ് മുൻ പ്രസിഡന്‍റുമായ ജി.പരമേശ്വര എംഎൽഎ ഉൾപ്പെടയുള്ളവരുടെ പേരിലും പൊന്നിൻ കുടം വച്ച് തൊഴുതു. പറശിനിക്കടവ് മുത്തപ്പൻ ക്ഷേത്രവും നേതാക്കൾ സന്ദർശിച്ചു.
കോൺഗ്രസ് നേതാക്കളായ രാഹുൽ ദാമോദരൻ, പി.എം. പ്രേംകുമാർ, കെ.വി.സുരാഗ്, എ.കെ. രാജേഷ്, ഡോ. പ്രകാശ്, പ്രഭാകരൻ എന്നിവർ കൂടെയുണ്ടായിരുന്നു.
