കൊച്ചി: മദനിയുടെ രോഗവിവരം തിരക്കിയ കൊച്ചിയിലെ മാധ്യമപ്രവര്‍ത്തകയ്ക്ക് അശ്ലീല സന്ദേശം അയച്ച പിഡിപി നേതാവിനെതിരേ കടവന്ത്ര പോലീസ് കേസെടുത്തു.
പിഡിപി സംസ്ഥാന ജനറല്‍ സെക്രട്ടറി നിസാര്‍ മേത്തറിനെതിരേയാണ് പോലീസ് കേസെടുത്തത്. ജാമ്യത്തില്‍ ഇളവ് നേടി കേരളത്തിലെത്തിയ മദനിയുടെ ആരോഗ്യവിവരങ്ങള്‍ തിരക്കിയാണ് മാധ്യമപ്രവര്‍ത്തക നിസാര്‍ മേത്തറിനെ ബന്ധപ്പെട്ടത്.
ഇതിന് പിന്നാലെയാണ് ഇയാള്‍ ലൈംഗിക ചുവയുള്ള സന്ദേശം അയച്ച് തുടങ്ങിയത്. മാധ്യമപ്രവര്‍ത്തക താക്കീത് നല്‍കിയെങ്കിലും നിസാര്‍ അശ്ലീല സന്ദേശങ്ങള്‍ അയക്കുന്നത് തുടര്‍ന്നു.
ഇതോടെയാണ് മാധ്യമപ്രവര്‍ത്തക പോലീസിസില്‍ പരാതി നല്‍കിയത്. സ്ത്രീകള്‍ക്കെതിരേ അശ്ലീല ചുവയോടെയുള്ള സംസാരം, ഓണ്‍ലൈന്‍ വഴിയുള്ള അധിക്ഷേപം എന്നീ വകുപ്പുകള്‍ ചുമത്തിയാണ് കേസ്.
