തി​രൂ​ര​ങ്ങാ​ടി​യി​ൽ കോ​ളന​ൽ​കി പി​ഞ്ചുകു​ഞ്ഞി​നെ കൂട്ടിക്കൊണ്ടുപോയി പീ​ഡി​പ്പി​ച്ചു; അ​തി​ഥി​ത്തൊ​ഴി​ലാ​ളി പിടിയിൽ

തി​രൂ​ര​ങ്ങാ​ടി: തി​രൂ​ര​ങ്ങാ​ടി​ ചേ​ളാ​രി​യി​ൽ അ​തി​ഥി​ത്തൊ​ഴി​ലാ​ളിയായ യു​വാ​വ് നാ​ലു​വ​സു​കാ​രി​യെ കോ​ള ന​ൽ​കി വ​ശ​ത്താ​ക്കി​യ​ശേ​ഷം പീ​ഡി​പ്പി​ച്ചു.

മ​ധ്യ​പ്ര​ദേ​ശ് ഗ്വാ​ളി​യോ​ർ ടെ​ട്രാ സ്വ​ദേ​ശി​യാ​യ രാം ​മ​ഹേ​ഷ് കു​ശ്വാ എ​ന്ന 30 കാ​ര​നാ​ണ് പ്ര​തി. ഇയാളെ പോലീസ് പിടികൂടി. ഇ​ന്ന​ലെ ഉ​ച്ച​കഴിഞ്ഞ് ര​ണ്ടി​നുശേ​ഷ​മാ​യിരുന്നു സം​ഭ​വം.

കു​ട്ടി​യു​ടെ ര​ക്ഷി​താ​ക്ക​ളും ഇതര സംസ്ഥാനക്കാരാണ്. ഇവരും പ്ര​തി​യും പ​രി​ച​യ​ക്കാ​രാ​ണ്. സ​മീ​പ​ത്തെ ക്വാ​ർ​ട്ടേ​ഴ്സി​ൽ താ​മ​സി​ക്കു​ന്ന പ്ര​തി കു​ട്ടി​യു​ടെ കു​ടും​ബം താ​മ​സി​ക്കു​ന്ന സ്ഥ​ല​ത്തേ​ക്ക് പെ​പ്സി കോ​ള​യു​മാ​യി വ​ന്നി​രു​ന്നു.

കു​ട്ടി​യു​ടെ മാ​താ​വി​ന് കോ​ള ന​ൽ​കി​യ​പ്പോ​ൾ അവർ വേ​ണ്ടെ​ന്ന് പ​റ​ഞ്ഞു. പി​ന്നീ​ട് ഇ​യാ​ൾ കു​ട്ടി​ക്ക് ഈ ​കോ​ള ന​ൽ​കി​യ​ശേ​ഷം ക​ളി​പ്പി​ക്കാ​ൻ എ​ന്നു പ​റ​ഞ്ഞു കൊ​ണ്ടു​പോ​വു​ക​യാ​യി​രു​ന്നു.

കു​റ​ച്ചു ക​ഴി​ഞ്ഞ് കു​ട്ടി ക​ര​ഞ്ഞു കൊണ്ടു വ​രു​ന്ന​ത് ശ്ര​ദ്ധ​യി​ൽപ്പെട്ടു. വി​വ​ര​ങ്ങ​ൾ ചോ​ദി​ച്ച​പ്പോ​ഴാ​ണ് കു​ട്ടി പീ​ഡ​ന വി​വ​രം അ​റി​യി​ച്ച​തെ​ന്ന് ര​ക്ഷി​താ​ക്ക​ൾ പ​റ​ഞ്ഞു.

യു​വ​തി പോ​ലീ​സി​ന്‍റെ 100 ന​ന്പ​റി​ൽ വി​ളി​ച്ചു സം​ഭ​വം അ​റി​യി​ച്ചതിനെത്തു​ട​ർ​ന്ന് തേ​ഞ്ഞി​പ്പ​ലം പോ​ലീ​സ് സ്ഥ​ല​ത്തെ​ത്തി പ്ര​തി​യെ പി​ടി​കൂ​ടി.

തി​രൂ​ര​ങ്ങാ​ടി സ്റ്റേ​ഷ​ൻ പ​രി​ധി​യി​ലാ​യ​തി​നാ​ൽ പ്ര​തി​യെ തി​രൂ​ര​ങ്ങാ​ടി​ക്ക് കൈ​മാ​റി. ചോ​ദ്യം ചെ​യ്തെ​ങ്കി​ലും പ്ര​തി കു​റ്റം നി​ഷേ​ധി​ച്ചു. പ്ര​തി മാ​ർ​ബി​ൾ തൊ​ഴി​ലാ​ളി​യാ​ണ്. കു​ട്ടി​യെ താ​ലൂ​ക്ക് ആ​ശു​പ​ത്രി​യി​ൽ വൈ​ദ്യ പ​രി​ശോ​ധ​ന ന​ട​ത്തി.