തിരുവനന്തപുരം: സുഖം പ്രാപിച്ചു വരുന്നതായും പരിക്ക് ഗുരുതരമല്ലെന്നും വാഹനാപകടത്തിൽ പരിക്കേറ്റ ടെലിവിഷൻ താരം തങ്കച്ചൻ വിതുര.
ഒരാഴ്ച മുന്പ് നടന്ന അപകടത്തെ തുടർന്നുള്ള വാർത്തകളാണ് ഇപ്പോൾ പ്രചരിക്കുന്നതെന്നും പറയത്തക്ക പ്രശ്നങ്ങൾ തനിക്കില്ലെന്നും തങ്കച്ചൻ പറഞ്ഞു.
വിതുരയിലെ വീട്ടില്‍നിന്നു തിരുവനന്തപുരത്തേക്ക് സ്‌റ്റേജ് പരിപാടിക്കായി കാറില്‍ പോകവേ തൊളിക്കോട് പതിനെട്ടാം കല്ലിന് സമീപമായിരുന്നു അപകടം.
നായ കുറുകെ ചാടിയതിനെ തുടര്‍ന്നു വെട്ടിത്തിരിച്ച കാര്‍ റോഡരികില്‍ പാര്‍ക്ക് ചെയ്തിരുന്ന മണ്ണുമാന്തിയില്‍ തട്ടുകയായിരുന്നു.
വാഹനം ഓടിച്ചിരുന്ന തങ്കച്ചന് നെഞ്ചിലും കഴുത്തിലും പരിക്കേറ്റു. അപകടത്തെ തുടർന്ന് തങ്കച്ചൻ വിതുര നെടുമങ്ങാട് ജില്ലാ ആശുപത്രിയില്‍ ചികിത്സ തേടി.
