വ​യ​റ്റി​ൽ ക​ത്രി​ക കു​ടു​ങ്ങി​യ സം​ഭ​വം; മെഡിക്കല്‍ റിപ്പോര്‍ട്ടിന്  പിന്നില്‍ അട്ടിമറി‍? ഹര്‍ഷിന സിറ്റി പോലീസ് കമ്മീഷണര്‍ക്ക് പരാതി നല്‍കും

കോ​ഴി​ക്കോ​ട്: പ്ര​സ​വ ശ​സ്ത്ര​ക്രി​യ​യ്ക്കി​ടെ വ​യ​റ്റി​ൽ ക​ത്രി​ക കു​ടു​ങ്ങി​യ സം​ഭ​വ​ത്തി​ൽ പോ​ലീ​സി​ന്‍റെ അ​ന്വേ​ഷ​ണ റി​പ്പോ​ർ​ട്ട് ത​ള്ളി​യ മെ​ഡി​ക്ക​ൽ ബോ​ർ​ഡ് തീ​രു​മാ​ന​ത്തി​ന് പി​ന്നി​ൽ അ​ട്ടി​മ​റി​യു​ണ്ടെ​ന്ന് പോ​ലീ​സ്.

മെ​ഡി​ക്ക​ൽ ബോ​ർ​ഡ് ന​ട​പ​ടി​ക​ളി​ലെ ഗൂ​ഢാ​ലോ​ച​ന അ​ന്വേ​ഷി​ച്ചു പു​റ​ത്തു​കൊ​ണ്ടു​വ​ര​ണ​മെ​ന്നാ​വ​ശ്യ​പ്പെ​ട്ട് ഹ​ർ​ഷി​ന​യും ഇ​ന്നു സി​റ്റി പോ​ലീ​സ്​ലീ​സ് ക​മ്മീ​ഷ​ണ​ർ​ക്ക് പ​രാ​തി ന​ൽ​കും.

മെ​ഡി​ക്ക​ൽ ബോ​ർ​ഡി​ലെ പ്ര​ധാ​ന അം​ഗ​മാ​യി പ​രി​ഗ​ണി​ച്ച സീ​നി​യ​ർ ഡോ​ക്ട​റെ മാ​റ്റി അ​വ​സാ​ന നി​മി​ഷം ജൂ​ണിയ​ർ ക​ൺ​സ​ൽ​ട്ട​ന്‍റി​നെ നി​യ​മി​ച്ച​ത് അ​ന്വേ​ഷ​ണം അ​ട്ടി​മ​റി​ക്കാ​നാ​ണെ​ന്നാ​ണ് സം​ശ​യം.

ആ​വ​ശ്യ​മെ​ങ്കി​ൽ കേ​സ് അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി ബോ​ർ​ഡി​ലു​ണ്ടാ​യി​രു​ന്ന റേ​ഡി​യോ​ള​ജി​സ്റ്റി​ന്‍റെ മൊ​ഴി​യും പോ​ലീ​സ് ​ രേ​ഖ​പ്പെ​ടു​ത്തും.

മെ​ഡി​ക്ക​ൽ കോ​ള​ജി​നു മു​ന്നി​ൽ 81 ദി​വ​സം പി​ന്നി​ട്ട സ​മ​രം കൂ​ടു​ത​ൽ ശ​ക്ത​മാ​ക്കാ​നാ​ണ് സ​മ​ര സ​മി​തി തീ​രു​മാ​നം.പ്ര​സ​വ ശ​സ്ത്ര​ക്രി​യ​യ്ക്കി​ടെ വ​യ​റ്റി​ൽ ക​ത്രി​ക കു​ടു​ങ്ങി​യ​ത് കോ​ഴി​ക്കോ​ട് മെ​ഡി​ക്ക​ൽ കോ​ളജ് ആ​ശു​പ​ത്രി​യി​ൽനി​ന്നാ​ണെ​ന്ന റി​പ്പോ​ർ​ട്ടാ​ണ് പോ​ലീ​സ് ന​ൽ​കി​യത്.

എ​ന്നാ​ൽ ഇ​ത് ത​ള്ളു​ക​യാ​യി​രു​ന്നു മെ​ഡി​ക്ക​ൽ ബോ​ർ​ഡ്. ഇ​തി​ന് പി​ന്നാ​ലെ ശ​ക്ത​മാ​യ പ്ര​തി​ഷേ​ധ​വു​മാ​യി ഹ​ർ​ഷി​ന രം​ഗ​ത്തെ​ത്തി​യി​രു​ന്നു.

ഡി​എം​ഒ​യു​ടെ ഓ​ഫീ​സി​ന് മു​ന്നി​ൽ കു​ത്തി​യി​രു​ന്ന് പ്ര​തി​ഷേ​ധി​ച്ച ഹ​ർ​ഷി​ന​യെ പോ​ലീ​സ് ​ ബ​ലം പ്ര​യോ​ഗി​ച്ച് നീ​ക്കി​യി​രു​ന്നു.