കോൽക്കത്ത: ഡ്യൂറൻഡ് കപ്പ് ഫുട്ബോൾ ഗ്രൂപ്പ് ഘട്ടത്തിലെ അവസാന മത്സരത്തിന് ഇറങ്ങുന്നതിനു മുന്പുതന്നെ കേരള ബ്ലാസ്റ്റേഴ്സ് എഫ്സി പുറത്ത്.
ഗ്രൂപ്പ് ഡിയിൽ നോർത്ത് ഈസ്റ്റ് യുണൈറ്റഡ് 3-1ന് ഡൗണ്‍ടൗണിനെ കീഴടക്കിയതോടെയാണിത്. ഗ്രൂപ്പ് ബിയിൽ മുഹമ്മദൻ 6-0ന് ജംഷഡ്പുരിനെ തകർത്തു.
ഗ്രൂപ്പ് ഡിയിൽ രണ്ടാം സ്ഥാനത്ത് ഫിനിഷ് ചെയ്ത നോർത്ത് ഈസ്റ്റ് യുണൈറ്റഡ് മികച്ച രണ്ടാം സ്ഥാനക്കാരായി ക്വാർട്ടറിൽ പ്രവേശിച്ചു. ഗോവയാണു ഗ്രൂപ്പ് ഡി ചാന്പ്യൻ.
ഗ്രൂപ്പ് സിയിൽ കേരള ബ്ലാസ്റ്റേഴ്സ് തങ്ങളുടെ അവസാന മത്സരത്തിനായി ഇന്ന് ഇന്ത്യൻ എയർഫോഴ്സിനെ നേരിടും. ഗ്രൂപ്പിൽ ഇതുവരെ ബ്ലാസ്റ്റേഴ്സിനു ജയം നേടാൻ സാധിച്ചില്ല.
