ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പ് ; മുൻ മന്ത്രി എ.സി. മൊയ്തീന് കു​രു​ക്ക് മു​റു​ക്കി ഇ​ഡി; ലക്ഷങ്ങളുള്ള ബാ​ങ്ക് അക്കൗണ്ടുകൾ മ​ര​വി​പ്പി​ച്ചു

തൃ​ശൂ​ർ: ക​രു​വ​ന്നൂ​ർ സ​ഹ​ക​ര​ണ​ബാ​ങ്ക് ത​ട്ടി​പ്പു​മാ​യി ബ​ന്ധ​പ്പെ​ട്ട് എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് (ഇഡി) സി​പി​എം സം​സ്ഥാ​ന ക​മ്മി​റ്റി അം​ഗ​വും മു​ൻ​മ​ന്ത്രി​യു​മാ​യ എ.​സി.​ മൊ​യ്തീ​ൻ എം​എ​ൽ​എ​യു​ടെ വീ​ട്ടി​ൽ ന​ട​ത്തി​യ പ​രി​ശോ​ധ​ന​യെ തു​ട​ർ​ന്ന് മൊ​യ്തീ​ന്‍റെ ര​ണ്ടു ബാ​ങ്കു​ക​ളി​ലെ സ്ഥി​ര​നി​ക്ഷേ​പ​ അക്കൗണ്ടുകൾ ഇഡി മ​ര​വി​പ്പി​ച്ചു.

ര​ണ്ടു ബാ​ങ്കു​ക​ളി​ലെ 31 ല​ക്ഷം രൂ​പ​യു​ള്ള അ​ക്കൗ​ണ്ടു​ക​ളാ​ണ് മ​ര​വി​പ്പി​ച്ച​ത്.ക​രു​വ​ന്നൂ​ർ കേ​സു​മാ​യി ബ​ന്ധ​പ്പെ​ട്ട് മൊ​യ്തീ​നെ​തി​രേ നേ​ര​ത്തെ ഉ​യ​ർ​ന്ന ആ​രോ​പ​ണ​ങ്ങ​ളും പ​രാ​തി​ക​ളും പ​രി​ശോ​ധി​ച്ച് മൊ​യ്തീ​നെ വി​ശ​ദ​മാ​യി ചോ​ദ്യം ചെ​യ്യാ​ൻ വി​ളി​പ്പി​ക്കു​മെ​ന്നാ​ണ് കൊ​ച്ചി​യി​ലെ ഇഡി​ഓ​ഫീ​സ് വൃ​ത്ത​ങ്ങ​ൾ ന​ൽ​കു​ന്ന സൂ​ച​ന.

ഇ​തി​ന്‍റെ ഭാ​ഗ​മാ​യി ചോ​ദ്യം ചെ​യ്യ​ലി​ന് ഹാ​ജ​രാ​കാ​ൻ മൊ​യ്തീ​ന് ഇഡി നോ​ട്ടീ​സ് ന​ൽ​കും.മ​ച്ചാ​ട് സ​ർ​വീ​സ് സ​ഹ​ക​ര​ണ​ബാ​ങ്കി​ലെ​യും യൂ​ണി​യ​ൻ ബാ​ങ്കി​ലെയും അ​ക്കൗ​ണ്ടു​ക​ളാ​ണ് ഇ.​ഡി ഇ​പ്പോ​ൾ മ​ര​വി​പ്പി​ച്ചി​രി​ക്കു​ന്ന​ത്.

മൊ​യ്തീ​ന്‍റെ വീ​ട്ടി​ൽനി​ന്ന് ബാ​ങ്ക് രേ​ഖ​ക​ൾ പ​രി​ശോ​ധ​ന​യി​ൽ ഇ​ഡി ക​സ്റ്റ​ഡി​യി​ലെ​ടു​ത്തി​ട്ടു​ണ്ടെ​ന്നും സൂ​ച​ന​ക​ളു​ണ്ട്. എന്നാൽ വീ​ട്ടി​ൽനി​ന്ന് ഒ​ന്നും​കൊ​ണ്ടു​പോ​യി​ട്ടി​ല്ലെ​ന്നാ​ണ് മൊ​യ്തീ​ൻ പ്ര​തി​ക​രി​ച്ച​ത്.

മൊ​യ്തീ​ന്‍റെ വീ​ട്ടി​ൽ റെ​യ്ഡു ന​ട​ത്തി തു​ട​ർ​ന​ട​പ​ടി​ക​ളി​ലേ​ക്ക് ഇഡി ക​ട​ന്ന​തോ​ടെ 300 കോടിയോളം രൂപയുടെ ക​രു​വ​ന്നൂ​ർ ത​ട്ടി​പ്പു കേ​സി​ൽ സി​പി​എ​മ്മി​ലെ ഉ​ന്ന​ത​രി​ലേ​ക്ക് അ​ന്വേ​ഷ​ണം എ​ത്തി​യി​രി​ക്കു​ക​യാ​ണ്.

നി​ല​വി​ൽ ക​രു​വ​ന്നൂ​ർ കേ​സി​ൽ മൊ​യ്തീ​ൻ പ്ര​തി​പ്പ​ട്ടി​ക​യി​ലി​ല്ല. എ​ന്നാ​ൽ ഇഡി​യു​ടെ അ​ന്വേ​ഷ​ണ​ക്കു​രു​ക്ക് മു​റു​കു​ന്പോ​ൾ കേ​സി​ന്‍റെ ഗ​തി എ​ന്താ​കു​മെ​ന്ന ആ​ശ​ങ്ക​യി​ലാ​ണ് നേ​തൃ​ത്വം.

ഇ​ന്നു​പു​ല​ർ​ച്ചെ അ​വ​സാ​നി​ച്ച റെ​യ്ഡി​ന്‍റെ വി​ശ​ദാം​ശ​ങ്ങ​ളും മ​റ്റു കാ​ര്യ​ങ്ങ​ളും വി​ശ​ക​ല​നം ചെ​യ്തശേ​ഷ​മാ​യി​രി​ക്കും ചോ​ദ്യം ചെ​യ്യ​ലി​ന് ഹാ​ജ​രാ​കാ​ൻ മൊ​യ്തീ​ന് ഇഡി നോ​ട്ടീ​സ് ന​ൽ​കു​ക. ചോ​ദ്യം ചെ​യ്യ​ലി​നു ശേ​ഷ​മാ​യി​രി​ക്കും മൊ​യ്തീ​നെ കേ​സി​ൽ പ്ര​തി​യാ​ക്ക​ണോ എ​ന്ന കാ​ര്യം തീ​രു​മാ​നി​ക്കു​ക. ു