സമൂഹ മാധ്യമങ്ങളില്‍ മൃഗങ്ങളും മനുഷ്യരും തമ്മിലുള്ള ബന്ധത്തെ തുറന്നുകാണിക്കുന്ന വീഡിയോകള്‍ പ്രത്യക്ഷപ്പെടാറുള്ളതാണ്. എന്നാല്‍ അങ്ങനെയൊരു വീഡിയോയാണ് ഇപ്പോള്‍ വൈറലാകുന്നത്.
ദാഹിച്ച് വലഞ്ഞിരിക്കുന്ന നായ വെള്ളത്തിനായി തെരുവിലെ ഒരു പൈപ്പിന്‍റെ അരികിലെത്തി. എന്നാല്‍ പൈപ്പ് അടഞ്ഞിരിക്കുകയായിരുന്നു. ആ സമയത്താണ് ഒരു വഴിയാത്രക്കാരി വെള്ളം കുടിക്കാന്‍ വിഷമിക്കുന്ന നായയെ കാണുന്നത്.
ഉടന്‍ തന്നെ നായയ്ക്ക് വെള്ളം കുടിക്കാനായി അവര്‍ പെപ്പ് തുറന്നു കൊടുക്കുത്തു. ആദ്യം നായ പുറകിലേക്ക് സംശയത്തോടെ മാറി നിന്നെങ്കിലും പിന്നീട് വെള്ളം കുടിക്കാനായി പൈപ്പിന്‍റെ അരികിലേക്കെത്തി.
ഇത് ഒരു ചെറിയ സഹായമായി കാണുന്നവര്‍ക്ക് തോന്നും. എന്നാല്‍ ദാഹിച്ച് വലഞ്ഞിരിക്കുമ്പോള്‍ വെള്ളം കൊടുക്കുക എന്നത് അത്ര നിസാര കാര്യമല്ല. അക്രമസംഭവങ്ങളുടെ വീഡിയോകള്‍ കൂടുതലായി വരുന്ന സാഹചര്യത്തില്‍ ഇത്തരത്തിലുള്ള സഹായങ്ങള്‍ ചെയ്തു നല്‍കുന്ന വീഡിയോകള്‍ സോഷ്യല്‍ മീഡിയ ഏറ്റെടുക്കുകയാണ് ചെയ്യുന്നത്. നിരവധിപേരാണ് ഈ സ്ത്രീയെ അഭിനന്ദിച്ചെത്തിയത്.
