വി​വാ​ഹാ​ഭ്യ​ർ​ഥ​ന നി​ര​സി​ച്ച പെ​ൺ​കു​ട്ടി​യു​ടെ പി​താ​വി​നു ക്രൂരമ​ർ​ദ​നം; ബ​സ് ക​ണ്ട​ക്ട​റെ അകത്താക്കി പോലീസ്

ചെ​റാ​യി: വി​വാ​ഹാ​ഭ്യ​ർ​ഥ​ന​യു​മാ​യി ചെ​ന്ന് പെ​ൺ​കു​ട്ടി​യു​ടെ പി​താ​വി​നെ വീ​ട്ടി​ൽ ക​യ​റി മ​ർ​ദി​ച്ച ബ​സ് ക​ണ്ട​ക്ട​ർ റി​മാ​ൻ​ഡി​ൽ. കൊ​ടു​ങ്ങ​ല്ലൂ​ർ മേ​ത്ത​ല സ്വ​ദേ​ശി പ​റ​വൂ​ർ വ​ട​ക്കേ​ക്ക​ര ച​ക്കു​മ​ര​ശേ​രി ഭാ​ഗ​ത്ത് വാ​ട​ക​ക്ക് താ​മ​സി​ക്കു​ന്ന മേ​പ്പ​റ​മ്പ് ആ​ഷി​ക് (23) നെ ​ഞാ​റ​ക്ക​ൽ മ​ജി​സ്ട്രേ​റ്റ് കോ​ട​തി​യാ​ണ് റി​മാ​ൻ​ഡ് ചെ​യ്ത​ത്.

തി​രു​വോ​ണ ദി​ന​ത്തി​ൽ രാ​ത്രി എ​ട്ടോ​ടെ അ​യ്യ​മ്പി​ള്ളി​യി​ലാ​യി​രു​ന്നു സം​ഭ​വം. വൈ​പ്പി​ൻ റൂ​ട്ടി​ൽ സ​ർ​വീ​സ് ന​ട​ത്തു​ന്ന സാ​ധി​ക, യാ​സി​ൻ എ​ന്നീ സ്വ​കാ​ര്യ ബ​സു​ക​ളി​ൽ ക​ണ്ട​ക്ട​റാ​യി ജോ​ലി ചെ​യ്യു​ന്ന​യാ​ളാ​ണ് പ്ര​തി .

കോ​ള​ജ് വി​ദ്യാ​ർ​ഥി​നി ആ​യ പെ​ൺ​കു​ട്ടി ബ​സി​ൽ ക​യ​റു​ന്ന പ​രി​ച​യം വ​ച്ചാ​ണ് ഇ​യാ​ൾ വി​വാ​ഹ അ​ഭ്യ​ർ​ഥ​ന​യു​മാ​യി പെ​ൺ​കു​ട്ടി​യു​ടെ വീ​ട്ടി​ൽ ചെ​ന്ന​ത്.

എ​തി​ർ​പ്പ് അ​റി​യി​ച്ച​തോ​ടെ ക​യ്യി​ൽ ധ​രി​ച്ചിരു​ന്ന ഇ​ടി​വ​ള ഉ​പ​യോ​ഗി​ച്ച് പെ​ൺ​കു​ട്ടി​യു​ടെ പി​താ​വി​ന്‍റെ നെ​ഞ്ചി​ൽ ഇ​ടി​ക്കു​ക​യാ​യി​രു​ന്നു.

മ​ക​ളെ വി​വാ​ഹം ചെ​യ്തു ത​ന്നി​ല്ലെ​ങ്കി​ൽ ജീ​വി​ക്കാ​ൻ അ​നു​വ​ദി​ക്കി​ല്ലെ​ന്ന് ഭീ​ഷ​ണി​യും മു​ഴ​ക്കി​യ​ത്രേ. വീ​ട്ടു​കാ​ർ ബ​ഹ​ളം വ​ച്ച​തി​നെ തു​ട​ർ​ന്ന് ഓ​ടി ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി​യെ നാ​ട്ടു​കാ​ർ ത​ട​ഞ്ഞു​വ​ച്ച് മു​ന​മ്പം പോ​ലീ​സി​ലേ​ൽ​പി​ക്കു​ക​യാ​യി​രു​ന്നു.

നേ​ര​ത്തെ പ​റ​വൂ​ർ പോ​ലീ​സ് സ്റ്റേ​ഷ​നി​ൽ അ​ടി പി​ടി​ക്കേ​സി​ൽ പ്ര​തി​യാ​യ ക​ണ്ട​ക്ട​ർ 10 കി​ലോ ക​ഞ്ചാ​വു​മാ​യി ആ​ന്ധ്ര​യി​ൽ പി​ടി​യി​ലാ​കു​ക​യും ഒ​ന്ന​ര വ​ർ​ഷം ജ​യി​ൽ ശി​ക്ഷ അ​നു ഭ​വി​ക്കു​ക​യും ചെ​യ്തി​ട്ടു​ള​ള​താ​യി പോ​ലീ​സ് അ​റി​യി​ച്ചു.