ആഭരണങ്ങളും ഭക്ഷണവും ഒത്തുചേർന്ന് കണ്ടിട്ടുണ്ടോ ? ഇത് കേൾക്കുമ്പോൾ വിചിത്രമായി തോന്നാം പക്ഷേ ഇൻസ്റ്റാഗ്രാമിലെ ഒരു വൈറൽ വീഡിയോ അത്തരമൊരു കോമ്പിനേഷനാണ് പരിചയപ്പെടുത്തുന്നത്.
വീഡിയോയിൽ പോപ്കോൺ നിറച്ച കൊട്ടയുടെ ആകൃതിയിലുള്ള കമ്മലുകൾ കാണിക്കുന്നു.അതിലും രസകരമായ കാര്യം, കമന്‍റ്സ് സെക്ഷനിലെ മിക്കവാറും എല്ലാവർക്കും ഇപ്പോൾ അത്തരം കമ്മലുകൾ വേണമെന്നതാണ്.
ഒരു ബസിൽ ഇരിക്കുന്ന രണ്ട് സുഹൃത്തുക്കളാണ് വീഡിയോയിൽ. അവരിൽ ഒരാൾ പോപ്കോൺ നിറച്ച വലിയ കൊട്ടയുടെ ആകൃതിയിലുള്ള വളയ കമ്മലുകൾ ധരിച്ചിരിക്കുന്നു.
മറ്റൊരാൾ പോപ്കോൺ പെറുക്കി തിന്നുകയാണ്. ഇൻസ്റ്റാഗ്രാമിൽ റീൽ അഞ്ച് ദശലക്ഷത്തിലധികം വ്യൂസ് നേടി.
