ബോളിവുഡിലെ ഹിറ്റ് ഗാനമായ ‘ചയ്യ ചയ്യ’ 90കളിലെ ഏറ്റവും മികച്ച ഗാനങ്ങളിലൊന്നാണ്. ഷാരൂഖ് ഖാനന്‍റെ ചുവടുകളും മലൈക അറോറയ്‌ക്കൊപ്പം ഓടുന്ന ട്രെയിനിന് മുകളിൽ നിന്നുള്ള ശ്രദ്ധമായ നൃത്തവും ഗാനത്തെ നിത്യഹരിതമാക്കി.
ഇപ്പോഴിതാ, ലണ്ടനിൽ നിന്നുള്ള ‘ചയ്യ ചയ്യ’യുടെ താളത്തിനൊത്ത് നൃത്തം ചെയ്യുന്ന ഒരാളുടെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്.
@imjustbesti എന്ന പേജാണ് വീഡിയോ ഇൻസ്റ്റാഗ്രാമിൽ പങ്കുവെച്ചത്. ലണ്ടൻ മെട്രോയ്ക്കുള്ളിൽ പാട്ടിന്‍റെ ഒറിജിനൽ ചുവടുകൾ അനുകരിക്കുന്നയാളെ കാണാം.
കുറച്ച് ദിവസങ്ങൾക്ക് മുമ്പ് പങ്കിട്ട പോസ്റ്റ് ഇതിനകം 763,000-ലധികം ആളുകൾ കണ്ടു. 32,000-ലധികം ലൈക്കുകളും നേടിക്കഴിഞ്ഞു.
