തനത്സ ലൂക്കാസ് എന്ന യുവതി ഓർഡർ ചെ‌യ്ത സാധത്തിനായി കാത്തു നിൽക്കുകയായിരുന്നു. പെട്ടെന്ന് ഫോൺ വന്നു. അവൾ ഫോണെടുത്തു ഹലോ പറഞ്ഞു. മറു തലക്കൽ നിന്ന് വീടിന് പുറത്ത് പാർസൽ വെച്ചിട്ടുണ്ട് എന്ന ഡെലിവറി ബോയിയുടെ ശബ്ദം കേട്ടു. നല്ല ഗാംഭീര്യമുള്ള അയാളുടെ ശബ്ദം അവളെ ഏറെ ആകർഷിച്ചു.
ശബ്ദത്തോടു വല്ലാത്തൊരു അനുരാഗം അവ‌ൾക്ക് തോന്നി. ഫോൺ കട്ട് ചെയ്യുന്നതിനു മുൻപ് തന്നെ അവൾ തന്‍റെ പ്രണയം തുറന്നു പറഞ്ഞു. ഡേറ്റിങ്ങിനായി തന്‍റെ കൂടെ വരാൻ സാധിക്കുമോ എന്നവൾ ചോദിച്ചു. കോറി എന്നാണ് ഡെലിവറി ഏജന്‍റിന്‍റെ പേര്. ഓസ്‌ട്രേലിയയിലെ നാഷണൽ ഡിസെബിലിറ്റി ഇൻഷുറൻസ് സ്കീമിന്‍റെ കേസ് മാനേജരാണ് തനത്സ.
അങ്ങനെ തനത്സയും കോറിയും പരസ്പരം കാണുകയും പ്രണയം പൂവിടുകയും ചെയ്തു. അങ്ങനെ അവർ തമ്മിൽ വിവാഹം കഴിക്കുകയും ചെയ്തു. ഇപ്പോൾ അവർക്ക് രണ്ട് കുട്ടികളുണ്ട്. സിനിമാ കഥ പോലെ തോന്നിക്കുന്ന ഇരുവരുടെയും പ്രണയം ഇപ്പോഴും തുടരുന്നു.
