മുംബൈയിൽ പ്രായപൂർത്തിയാകാത്ത വിദ്യാർഥിനിയെ പീഡിപ്പിച്ച അധ്യാപകൻ അറസ്റ്റിൽ. ഏഴാം ക്ലാസ് വിദ്യാർഥിനിയുമായി സോഷ്യൽ മീഡിയയിൽ ചാറ്റ് ചെയ്യാൻ പ്രതി ശ്രമിച്ചിരുന്നു.
എന്നാൽ സോഷ്യൽ മീഡിയയിൽ വിദ്യാർഥി ഇതിനോട് പ്രതികരിച്ചില്ല. അധ്യാപികന്‍റെ പ്രവൃത്തിയെക്കുറിച്ച് വിദ്യാർഥി രക്ഷിതാക്കളെ അറിയിച്ചതോടെയാണ് സംഭവം പുറത്തറിയുന്നത്.
അധ്യാപികൻ തനിക്ക് ആദ്യം സോഷ്യൽ മീഡിയയിൽ സന്ദേശങ്ങൾ അയക്കാൻ തുടങ്ങിയെന്നും പിന്നീട് ഇയാൾ തന്നെ പീഡിപ്പിക്കുകയായിരുന്നുവെന്നും പെൺകുട്ടി മാതാപിതാക്കളെ അറിയിച്ചതായി പോലീസ് പറഞ്ഞു.
സംഭവം അറിഞ്ഞയുടൻ പെൺകുട്ടിയുടെ മാതാപിതാക്കൾ ചാർകോപ്പ് പൊലീസ് സ്റ്റേഷനിൽ പരാതി നൽകി. പരാതിയുടെ അടിസ്ഥാനത്തിൽ ചൊവ്വാഴ്ച രാത്രി 26 കാരനായ സിദ്ധാർത്ഥ് സിങ്ങിനെ പോലീസ് അറസ്റ്റ് ചെയ്തു. സംഭവത്തിൽ അന്വേഷണം നടക്കുകയാണെന്ന് പോലീസ് പറഞ്ഞു.
