ചെന്നൈ: പീഡനക്കേസില്‍ പ്രതിയായ നടന്‍ ഷിയാസ് കരീം പിടിയില്‍. ഗള്‍ഫില്‍ നിന്നെത്തിയ ഷിയാസിനെ ചെന്നൈ വിമാനത്താവളത്തില്‍വച്ച് കസ്റ്റംസാണ് പിടികൂടിയത്.
ചന്തേര പോലീസിന് കസ്റ്റംസ് വിവരം കൈമാറിയിട്ടുണ്ട്. പോലീസ് സംഘം ഉടനെ ചെന്നൈയ്ക്ക് പുറപ്പെടും.
നടന്‍ വിവാഹ വാഗ്ദാനം നല്‍കി പീഡിപ്പിച്ചു എന്ന യുവതിയുടെ പരാതിയില്‍ കാസര്‍ഗോസ് ചന്തേര പോലീസ് നേരത്തേ കേസെടുത്തിരുന്നു.
വിവിധയിടങ്ങളിൽ കൊണ്ടുപോയി പീഡിപ്പിച്ചെന്നും രണ്ട് തവണ ഗര്‍ഭഛിദ്രത്തിനിരയാക്കിയെന്നുമായിരുന്നു പരാതി.
കേസില്‍ പോലീസ് ലുക്ക് നോട്ടീസ് പുറത്തിറക്കിയിരുന്നു. ഇതിന്‍റെ അടിസ്ഥാനത്തിലാണ് കസ്റ്റംസ് ഇയാളെ തടഞ്ഞുവച്ചത്.
