മലയാളികളുടെ ഭക്ഷണത്തിനു പ്രിയർ ഏറെയാണ്. വിദേശികൾ കേരളത്തിലെത്തുന്നത് നാട് മാത്രം ചുറ്റികാണുക എന്ന ഉദ്ദേശത്തോടെയല്ല. ഇവിടുത്തെഭക്ഷണം കഴിക്കണം എന്ന ലക്ഷ്യത്തോടെയാണ്.
ഇഡലിയും സാമ്പാറും ദോശയും കപ്പയും ഇലഅടയും ഇടിയപ്പവുമെല്ലാം മലയാളികളുടെ പേരുകേട്ട വിഭവങ്ങളാണ്.
ഇപ്പോഴിതാ വിദേശികളായ ദമ്പതികൾ ആസ്വദിച്ച് ഇടിയപ്പം കഴിക്കുന്ന വീഡിയോ ആണ് വെെറലാകുന്നത്.പ്രഭുവിഷ എന്ന ഇൻസ്റ്റാഗ്രാം ഉപയോക്താവ് എന്‍റെ ഡച്ച് കുടുംബം എന്‍റെ അമ്മ ഇടിയപ്പമുണ്ടാക്കുന്നത് എങ്ങനെ എന്ന് നോക്കുന്നു’ എന്ന കുറിപ്പോടെയാണ് വീഡിയോ ഇൻസ്റ്റഗ്രാമിൽ പങ്ക് വെച്ചിരിക്കുന്നത്.
ഇന്ത്യക്കാരിയായ ഒരു സ്ത്രീ ഇടിയപ്പമുണ്ടാക്കുന്നതാണ് വീഡിയോയുടെ തുടക്കം. വിദേശികളായ ദമ്പതികൾ വളരെ ഏറെ കൗതുകത്തോടെ അതി നോക്കി കാണുകയാണ്.
ഡച്ചുകാരായ ദമ്പതികൾ കൈകൾ ഉപയോഗിച്ച് ഇടിയപ്പം കഴിക്കുന്നത് കാണാം. ഡച്ചുകാരിയായ യുവതിയെ ഇന്ത്യക്കാരനായ യുവാവ് വിവാഹം കഴിച്ചതെന്നു വീഡിയോയിൽ നിന്നു മനസിലാക്കാം.
കാരണം തന്‍റെ അമ്മായിഅച്ഛൻ ആദ്യമായിട്ടാണ് കൈ ഉപയോഗിച്ച് ഭക്ഷണം കഴിക്കുന്നത് എന്ന് വീഡിയോയിൽ എഴുതി കാണിക്കുന്നുണ്ട്.
ഭക്ഷണം കഴിച്ച ശേഷം ഡച്ച് ദമ്പതികൾ യാത്ര പറഞ്ഞിറങ്ങാൻ നേരം ഭക്ഷണം പൊതിഞ്ഞു കൊടുക്കുന്നതും കാണാം. ആരെങ്കിലും എന്തെങ്കിലും ഇഷ്ടമാണ് എന്ന് പറഞ്ഞാൽ അവർക്കായി പാത്രം നിറയെ അത് കൊടുത്തുവിടും എന്നും എഴുതികാണിക്കുന്നതോടെ വീഡിയോ അവസാനിക്കുന്നു.
