ഭക്ഷ്യവിഷബാധയെ തുടർന്ന് മുംബൈയിലെ ഒരു സിവിക് സ്കൂളിലെ 16 വിദ്യാർഥികളെ ആശുപത്രിയിൽ പ്രവേശിപ്പിച്ചു. നഗരത്തിലെ ഗോവണ്ടി മേഖലയിൽ നിന്നാണ് സംഭവം റിപ്പോർട്ട് ചെയ്തിരിക്കുന്നത്.
ബ്രിഹൻമുംബൈ മുനിസിപ്പൽ കോർപ്പറേഷന്‍റെ അനിക് ഗ്രാമത്തിലെ സ്കൂളിലെ നിരവധി വിദ്യാർഥികൾക്ക് ഉച്ചഭക്ഷണം വിളമ്പിയതിന് തൊട്ടുപിന്നാലെ വയറുവേദന അനുഭവപ്പെട്ടത്.
ഒൻപത് ആൺകുട്ടികളെയും ഏഴ് പെൺകുട്ടികളെയും ബിഎംസിയുടെ ശതാബ്ദി ആശുപത്രിയിൽ പ്രവേശിപ്പിച്ചു. അവർ ചികിത്സയിലാണെന്നും അവരുടെ നില തൃപ്തികരമാണെന്നും അധികൃതർ പറഞ്ഞു. മഹാരാഷ്ട്ര ഫുഡ് ആൻഡ് ഡ്രഗ്‌സ് അഡ്മിനിസ്‌ട്രേഷൻ ഭക്ഷണത്തിന്‍റെ സാമ്പിളുകൾ ശേഖരിച്ച് ഫോറൻസിക് ലബോറട്ടറിയിലേക്ക് അയച്ചു.
സമാനമായ സംഭവത്തിൽ കഴിഞ്ഞ മാസത്തിൽ ന്യൂഡൽഹിയിലെ ഒരു സർക്കാർ സ്കൂളിൽ ഉച്ചഭക്ഷണം കഴിച്ച് 70 ഓളം വിദ്യാർത്ഥികൾക്ക് അസുഖം വന്നിരുന്നു. സാഗർപൂരിലെ ദുർഗാപാർക്കിലെ സർവോദയ ബാല വിദ്യാലയത്തിൽ നിന്നാണ് സംഭവം റിപ്പോർട്ട് ചെയ്തത്. ഇവരെ ഉടൻ ദീൻ ദയാൽ ഉപാധ്യായ ആശുപത്രിയിൽ പ്രവേശിപ്പിച്ചു.
