വിദേശത്ത് താമസിക്കുന്ന ഇന്ത്യയ്ക്കാരോട് ഏറ്റവും കൂടുതൽ വേണമെന്ന് ആഗ്രഹിക്കുന്നത് എന്താണെന്ന് ചോദിച്ചാൽ ഭൂരിഭാഗം ആളുകളും പറയുന്നത് ഭക്ഷണത്തിന്‍റെ കാര്യമായിരിക്കും. നാട്ടിലേക്ക് സുഹൃത്തുക്കൾ പോകുമ്പോൾ അവർ ഏറ്റവും കൂടുതൽ ആവശ്യപ്പെടുന്നതും രുചിയുള്ള നാടൻ വിഭവങ്ങൾ മടങ്ങി വരുമ്പോൾ കൊണ്ടുവരാനായിരിക്കും.
ഇങ്ങനെ ദമ്പതികൾ തങ്ങളുടെ നാട്ടിൽ നിന്ന് മടങ്ങിവരുമ്പോൾ ഇന്ത്യൻ മസാലകളും ലഘുഭക്ഷണങ്ങളും കൊണ്ടുവരാൻ സുഹൃത്തുക്കളോട് ആവശ്യപ്പെട്ടു. ഒരു സ്യൂട്ട്കേസ് നിറയെ ഇന്ത്യൽ മസാലകളും ലഘുഭക്ഷണങ്ങളും ലഭിച്ചതിന് ശേഷം ഉണ്ടാകുന്ന അവരുടെ ആവേശത്തിന്‍റെ ഒരു നേർക്കാഴ്ചയാണ് ഇപ്പോൾ ഇൻസ്റ്റഗ്രാമിൽ വൈറലാകുന്ന വീഡിയോ.
ദമ്പതികളായ കരിഷ്മയും റിക്കിനും തങ്ങളുടെ ഇൻസ്റ്റാഗ്രാം അക്കൗണ്ടിൽ വീഡിയോ പങ്കുവച്ചു. ഈ രണ്ട് മുംബൈക്കാരും ലണ്ടനിലാണ് താമസിക്കുന്നത്. അവരുടെ സുഹൃത്തുക്കൾ ഇന്ത്യയിൽ നിന്ന് വരുമ്പോൾ കൊണ്ടുവരാനുള്ള സാധനങ്ങളുടെ ഒരു ലിസ്റ്റ് മുഴുവൻ അവർക്ക് കൈമാറി. ഒരു സ്യൂട്ട്‌കേസിൽ നിരവധി സാധനങ്ങളാണ് ദമ്പതികൾക്ക് ലഭിച്ചത്.
കരിഷ്മ സ്യൂട്ട്കേസ് തുറന്ന നിമിഷം എണ്ണമറ്റ പലഹാരങ്ങൾ ഒന്നിനു മുകളിൽ ഒന്നായി കൂട്ടിയിട്ടിരിക്കുന്നത് കണ്ടു. ഗരം മസാലയുടെ ഒന്നിലധികം കുപ്പികൾ വീഡിയോയുടെ ഹൈലൈറ്റ് ആയി മാറി. മാഗിയുടെ ഒരു വലിയ ഫാമിലി പാക്കും ഇതിൽ ഉൾപ്പെടുന്നു.
കുർകുറെ, ലെയ്‌സ് തുടങ്ങിയ പാക്കറ്റ് സ്‌നാക്‌സും അവർക്ക് ലഭിച്ചു. വീഡിയോയ്‌ക്കൊപ്പമുള്ള അടിക്കുറിപ്പ് ഇങ്ങനെയാണ്: “എനിക്ക് ഗരം മസാല ലഭിച്ചു! ഞങ്ങൾക്ക് സന്തോഷം നിറഞ്ഞ ഒരു സ്യൂട്ട്കേസ് കൊണ്ടുവന്നതിന് ദേവാൻഷിക്കും കേശവ് മർദയ്ക്കും നന്ദി!” വീഡിയോ സോഷ്യൽ മീഡിയയിൽ തൽക്ഷണം ഹിറ്റായിരുന്നുവെന്ന് പറയേണ്ടതില്ലല്ലോ.
വീഡിയോയോട് ആളുകൾ പെട്ടെന്ന് പ്രതികരിക്കുകയും കമന്‍റിടുകയും ചെയ്തു. ചിലർ ഇന്ത്യൻ ലഘുഭക്ഷണങ്ങളോടുള്ള ആവേശം ആപേക്ഷികമാണെന്ന് പറഞ്ഞപ്പോൾ, മറ്റുള്ളവർ അവ ഇപ്പോൾ വിദേശത്തും എളുപ്പത്തിൽ ലഭ്യമാണെന്ന് ചൂണ്ടിക്കാട്ടി. “ഇതെല്ലാം ഇന്ത്യൻ പലചരക്ക് കടകളിൽ ലഭ്യമാണ്. വീട്ടിൽ ഉണ്ടാക്കിയ ഭക്ഷണമോ മസാലയോ ഞാൻ പ്രതീക്ഷിച്ചിരുന്നു; എന്തായാലും, കൊള്ളാം.” ഒരാൾ പറഞ്ഞു.
ഇന്ത്യക്കാർ പണത്തിന് വേണ്ടി നാടുവിടുന്നതും ഇപ്പോഴും അവിടെ ഇന്ത്യൻ സുഗന്ധവ്യഞ്ജനങ്ങൾ വാങ്ങാൻ കഴിയാത്തതും, ഞങ്ങൾ പതിവായി ഉപയോഗിക്കുന്ന ഞങ്ങളുടെ ഇന്ത്യൻ സുഗന്ധവ്യഞ്ജനങ്ങളോട് ആവേശം കാണിക്കുന്നതും കാണുന്നത് വളരെ തമാശയാണെന്നാണ് മറ്റൊരു കമന്‍റ്.
വീഡിയോ കാണാൻ ഇവിടെ ക്ലിക്ക് ചെയ്യുക
