സംസ്ഥാന സ്‌കൂള്‍ കായികമേളയില്‍ ഹൈജമ്പില്‍ സ്വർണവും വെള്ളിയും ചാടി നേടി മലപ്പുറം കടകശേരി ഐഡിയല്‍ സ്‌കൂൾ വിദ്യാര്‍ഥിനികൾ.
ജൂനിയര്‍ വിഭാഗം പെണ്‍കുട്ടികളുടെ ഹൈജമ്പിൽ 1.56 മീ. ചാടി പി.പി. അഷ്‌മിക സ്വര്‍ണം കരസ്ഥമാക്കിയപ്പോൾ 1.54 മീറ്റര്‍ ചാടി കെ.വി. മിന്‍സാര പ്രസാദ് വെള്ളി നേടി.
വർഷങ്ങളായി ചാമ്പ്യന്‍ഷിപ് നിലനിർത്തി പോന്ന സ്‌കൂളുകളെ ചാടി കടന്നാണ് ഈ മിടുക്കികളുടെ നേട്ടം. മലപ്പുറം ജില്ലാ കായികമേളയില്‍ മിന്‍സാര സ്വര്‍ണം നേടയിരുന്നു.
1.53 മീറ്ററാണ് ജില്ലാ കായികമേളയില്‍ മിന്‍സാര ചാടിയത്. എന്നാൽ സംസ്ഥാന തലത്തില്‍ രണ്ടാംസ്ഥാനം കൊണ്ട് തൃപ്തിപ്പെടേണ്ടി വന്നു.
കോഴിക്കോട് കുറ്റ‌്യാടി നരിപ്പറ്റ സ്വദേശിനിയാണ് പി.പി അഷ്‌മിക. കൊയിലാണ്ടി മുടാടി സ്വദേശിനിയാണ് മിന്‍സാര. ടോമി ചെറിയാനാണ് ഇരുവരുടേ‌യും പരിശീലകൻ. 30 വര്‍ഷമായി ടോമി പരിശീലന രംഗത്തുണ്ട്.
