പൂച്ചയെ പലരും വീടുകളിൽ വളർത്താറുണ്ട്. മനുഷ്യനോട് പെട്ടെന്നു തന്നെ ഇണങ്ങുന്ന മൃഗങ്ങളാണ് പൂച്ചകൾ. പൂച്ചകളെ കുറിച്ചുള്ള വാർത്തകൾ പലപ്പോഴും സോഷ്യൽ മീഡിയയിൽ വെെറലാകാറുണ്ട്. അത്തരത്തിൽ രസകരമായ വീഡിയോ ആണിപ്പോൾ ശ്രദ്ധ നേടുന്നത്.
ഒരു പൂച്ച തന്‍റെ ചെവികള്‍ ആദ്യമായി കണ്ടപ്പോള്‍’ എന്ന തലക്കെട്ടോടെയൊണ് ഈ വീഡിയോ ഇന്‍സ്റ്റാഗ്രാമില്‍ പോസ്റ്റ് ചെയ്തിരിക്കുന്നത്.
വീഡിയോയുടെ തുടക്കത്തില്‍ കട്ടിലില്‍ വെറുതെയിരിക്കുന്ന ഒരു പൂച്ചയെയാണ് കാണാന്‍ സാധിക്കുക. പെട്ടെന്ന് തന്നെ അത് തന്‍റെ മുന്‍പിലുള്ള ഒരു കണ്ണാടിയിലേക്ക് നോക്കുകയാണ്.
കട്ടിലില്‍ ഇരുന്നുകൊണ്ട് കണ്ണാടിയിലേക്ക് നോക്കിയപ്പോൾ പൂച്ചയ്ക്ക് അതിന്‍റെ ചെവിയുടെ അഗ്രഭാഗങ്ങള്‍ മാത്രമാണ് കാണാന്‍ സാധിച്ചത്.
അതുകൊണ്ട് തന്നെ എന്താണ് കണ്ണാടിയിൽ കാണുന്നതെന്ന് പൂച്ചക്ക് യെതൊരു പിടുത്തവും കിട്ടാതെ വന്നതോടെ കട്ടിലില്‍ എഴുന്നേറ്റ് നിന്ന് കണ്ണാടിയിലേക്ക് നോക്കുന്നു.
തന്‍റെ തലയുടെ മുകളിൽ എന്താ ഉള്ളതെന്ന് പരിഭ്രാന്തിയോടെ പൂച്ച നോക്കുകയാണ്. അത് തന്‍റെ ചെവിയാണെന്ന് കക്ഷിക്ക് മനസ്ലായില്ല.
ചരിഞ്ഞും മറിഞ്ഞുമൊക്കെ കഷ്ടപ്പെട്ട് അതെന്താണെന്ന് അറിയാനുള്ള ആകാംഷയിലാണ് ആശാൻ.എന്തായാലും വീഡിയോ നിമിഷങ്ങൾക്കുള്ളിൽ വെെറലായി.വീഡിയോ കാണാൻ ഇവിടെ ക്ലിക് ചെയ്യുക.
