കോട്ടയം: എംസി റോഡില്‍ സംക്രാന്തിയില്‍ കെഎസ്ആര്‍ടിസി ബസും ബൈക്കും കൂട്ടിമുട്ടിയതിനെ ചൊല്ലി നടുറോഡില്‍ കുട്ടയടി.
കോട്ടയത്തുനിന്ന് ഏറ്റുമാനൂര്‍ ഭാഗത്തേക്ക് പോകുകയായിരുന്ന ബൈക്കില്‍ എതിര്‍ ദിശയില്‍ നിന്നത്തിയ കെഎസ്ആര്‍ടിസി ബസ് സംക്രാന്തി ജംഗ്ഷനില്‍ വച്ച് ഇടിക്കുകയായിരുന്നു.
ഇതേച്ചൊല്ലി ഡ്രൈവറും ബൈക്ക് യാത്രക്കാരനും തമ്മില്‍ വാക്കേറ്റമുണ്ടായി. തുടര്‍ന്നു രണ്ടു പേരും തമ്മില്‍ തര്‍ക്കം രൂക്ഷമായതോടെ ബൈക്ക് യാത്രക്കാരന്‍ കെഎസ്ആര്‍ടിസി ഡ്രൈവറെ ഹെല്‍മറ്റ് കൊണ്ട് അടിക്കുകയായിരുന്നു.
തുടര്‍ന്ന് റോഡിലേക്ക് ഇറങ്ങിയ ഡ്രൈവറും ബൈക്ക് യാത്രക്കാരനും തമ്മില്‍ വീണ്ടും കൈയാങ്കളിയുണ്ടായി. ഇരുവരും തമ്മല്‍ കൈയാങ്കളി രൂക്ഷമായതോടെ എംസി റോഡില്‍ ഗതാഗതം തടസപ്പെട്ടു.
തുടര്‍ന്ന് നാട്ടുകാരും ഓടിക്കൂടി. സ്ഥലത്തെത്തിയ ഗാന്ധിനഗര്‍ പോലീസ് ഡ്രൈവറെയും ബൈക്ക് യാത്രികനെയും കസ്റ്റഡിയിലെടുത്തു.
