പാലക്കാട് ഒറ്റപ്പാലത്ത് യുവാവ് പോലീസ് ജീപ്പ് തല്ലി തകര്‍ത്തു. ശനിയാഴിചയാണ് സംഭവം ഉണ്ടായത്. വാണിയംകുളം സ്വദേശി ശ്രീജിത്ത് എന്ന യുവാവ് ആണ് പോലീസ് ജീപ്പ് തല്ലി തകർത്തത്.
സംഭവത്തിൽ യുവാവിനെ പോലീസ് അറസ്റ്റ് ചെയ്തു. നിര്‍ത്തിയിട്ടിരുന്ന പോലീസ് ജീപ്പാണ് യുവാവ് തകര്‍ത്തത്. യുവാവ് മദ്യലഹരിയിലായിരുന്നെന്ന് പൊലീസ് പറയുന്നു.
യുവാവിനെ കസ്റ്റഡിയിലെടുത്ത് ചോദ്യം ചെയ്തു. ഇതുവരെ തനിക്ക് ജോലി ഒന്നും കിട്ടാത്തതിനുള്ള വിരോധമാണ് പോലീസ് ജീപ്പ് അടിച്ചു തകര്‍ക്കാനുള്ള കാരണമായി ശ്രീജിത്ത് പറഞ്ഞത്. ഒറ്റപ്പാലം പോലീസ് സ്റ്റേഷന് മുന്നില്‍ നിര്‍ത്തിയിട്ട ജീപ്പാണ് തകര്‍ത്തത്.
വിശദമായി ചോദ്യം ചെയ്യലിന് ശേഷം പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്യും. ഇയാൾക്ക് ചില മാനസികാസ്വാസ്ഥ്യം ഉണ്ടായിരുന്നതായും സൂചനയുണ്ട്.
