അഹമ്മദാബാദ്: നാളെ നടക്കുന്ന ഐസിസി ക്രിക്കറ്റ് ലോകകപ്പ് ഫൈനലിലേക്ക് ആരാധകര്‍ ഉറ്റുനോക്കുമ്പോള്‍ വന്‍ ലാഭം കൊയ്യുകയാണ് വിമാന കമ്പനികള്‍. ഇന്ത്യയും ഓസ്ട്രേലിയയും തമ്മിലുള്ള ഫൈനല്‍ പോരാട്ടത്തിന്‍റെ ആവേശത്തിലാണ് ആരാധകര്‍.
ഈ ആവേശത്തില്‍ അഹമ്മദാബാദിലേക്കുള്ള വിമാന ടിക്കറ്റ്, ഹോട്ടല്‍ റൂം നിരക്കുകള്‍ എന്നിവ കുതിച്ചുയര്‍ന്നിരിക്കുകയാണ്. 30,000 രൂപ മുതല്‍ 40,000 രൂപ വരെയായി ഉയര്‍ന്നിരിക്കുകയാണ് വിമാന നിരക്കുകള്‍. ഈ സമയം കൂടുതല്‍ സര്‍വീസുകള്‍ നടത്താനും വിമാന കമ്പനികള്‍ ഒരുങ്ങുന്നുണ്ട്
