ലോകകപ്പ് ക്രിക്കറ്റിൽ ഇന്ത്യയുടെ പരാജയത്തിന് പിന്നാലെ കുറിപ്പുമായി തെലുങ്ക് നടി രേഖ ഭോജ്. ഇന്ത്യ പരാജയപ്പെട്ടത് ഹൃദയം തകർന്നതുപോലെ തോന്നുന്നുവെന്നും എങ്കിലും തന്‍റെ ഭാരതം മഹത്തരമാണെന്നും രേഖ ഫേസ്ബുക്കിൽ കുറിച്ചു.
ഹൃദയം തകർന്നതുപോലെ തോന്നുന്നു. എങ്കിലും എന്‍റെ ഭാരതം മഹത്തരമാണ്, ടൂർണമെന്‍റിൽ ഉടനീളം മികച്ച പ്രകടനം കാഴ്ചവച്ചു, ജയ് ഹിന്ദ് -രേഖ ഭോജ് ഫേസ്ബുക്ക് കുറിപ്പിൽ പറഞ്ഞു.
ഇന്ത്യ ക്രിക്കറ്റ് ലോകകപ്പ് നേടിയാൽ വിശാഖപട്ടണത്തെ ബീച്ചിലൂടെ നഗ്നയായി ഓടുമെന്നു കഴിഞ്ഞ ദിവസം രേഖ ഭോജ് പറഞ്ഞത് ചർച്ചയായിരുന്നു. ഫേസ്ബുക് പോസ്റ്റിലൂടെയായിരുന്നു നടിയുടെ പ്രഖ്യാപനം.
താരത്തിന്‍റെ പ്രഖ്യാപനത്തിനെതിരേ നിരവധി പേർ രംഗത്തെത്തിയിരുന്നു. വെറുതെ ജനശ്രദ്ധ പിടിച്ചുപറ്റാനുള്ള നടിയുടെ ശ്രമമാണിതെന്നായിരുന്നു ചിലർ വിമർശിച്ചത്. അതേസമയം വിമർശനം കടുത്തതോടെ വിശദീകരണവുമായി നടിയെത്തി. ഇന്ത്യൻ ടീമിനോടുള്ള സ്നേഹവും ആരാധനയും പ്രകടിപ്പിക്കാനാണ് താൻ ശ്രമിച്ചതെന്നായിരുന്നു രേഖ പറഞ്ഞത്.
ഇന്ത്യ പരാജയപ്പെട്ടതോടെ രേഖയ്ക്കെതിരേ കടുത്ത ട്രോളുകളാണ് ഉയരുന്നത്. നടിയുടെ വാഗ്ദാനം പാഴായിപ്പോയല്ലോയെന്നാണ് ആളൊഴിഞ്ഞ വിശാഖപട്ടണം ബീച്ചിന്‍റെ ഫോട്ടോ പങ്കിട്ട് ചിലർ കുറിച്ചത്. തെലുങ്ക് നടിയുടെ മാനം കാത്ത് ടീം ഇന്ത്യ എന്നായിരുന്നു മറ്റു ചിലരുടെ കുറിപ്പ്. ഇന്ത്യ ക്രിക്കറ്റ് ലോകകപ്പ് നേടിയാൽ വിശാഖപട്ടണത്തെ ബീച്ചിലൂടെ നഗ്നയായി ഓടുമെന്നു കഴിഞ്ഞ ദിവസം രേഖ ഭോജ് പറഞ്ഞിരുന്നു.
