ന​വ​കേ​ര​ള​സ​ദ​സ് ക​ണ്ണൂ​രി​ൽ തുടരുന്നു; സു​ര​ക്ഷ​യ്ക്കു ത​ണ്ട​ർ​ബോ​ൾ​ട്ടും; ഡിവൈഎഫ്ഐ പ്രവർത്തകരുടെ ആ​ക്ര​മ​ണ​ത്തെ ന്യാ​യീ​ക​രി​ച്ച് മ​ന്ത്രി​മാ​ർ

ക​ണ്ണൂ​ർ: മു​ഖ്യ​മ​ന്ത്രി​യു​ടെ​യും മ​ന്ത്രി​മാ​രു​ടെ​യും ന​വ​കേ​ര​ള​സ​ദ​സി​ന് പ്ര​തി​ഷേ​ധ സാ​ധ്യ​ത ക​ണ​ക്കി​ലെ​ടു​ത്ത് ക​ണ്ണൂ​രി​ൽ ക​ന​ത്ത സു​ര​ക്ഷ. കല്യാശേരി മണ്ഡലത്തിലെ പ​ഴ​യ​ങ്ങാ​ടി​യി​ൽ ക​രി​ങ്കൊ​ടി പ്ര​തി​ഷേ​ധ​മു​ണ്ടാ​യ സാ​ഹ​ച​ര്യ​ത്തി​ലാ​ണ് മു​ഖ്യ​മ​ന്ത്രി​ക്കും മ​ന്ത്രി​മാ​ർ​ക്കും ക​ന​ത്ത സു​ര​ക്ഷ ഏ​ർ​പ്പെ​ടു​ത്തി​യ​ത്.

എ​ഡി​ജി​പി എം.​ആ​ർ. അ​ജി​ത്ത്കു​മാ​ർ, ന​വ​കേ​ര​ള സ​ദ​സ് നോ​ഡ​ൽ ഓ​ഫീ​സ​ർ എ​സ്. ശ്രീ​ജി​ത്ത് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് സു​ര​ക്ഷ​യൊ​രു​ക്കി​യ​ത്. ത​ണ്ട​ർ​ബോ​ൾ​ട്ടും സാ​യു​ധ​രാ​യ പോ​ലീ​സും ഇ​ന്ന​ലെ രാ​ത്രി​മു​ത​ലാ​ണ് സു​ര​ക്ഷ​യ്ക്കെ​ത്തി​യ​ത്. കൂ​ടാ​തെ കാ​സ​ർ​ഗോ​ഡ്, ക​ണ്ണൂ​ർ, കോ​ഴി​ക്കോ​ട്, വ​യ​നാ​ട് ജി​ല്ല​ക​ളി​ൽ നി​ന്നാ​യി ര​ണ്ടാ​യി​ര​ത്തോ​ളം പോ​ലീ​സു​കാ​രെ​യും വി​ന്യ​സി​ച്ചി​രു​ന്നു.

‘സാ​ന്പി​ൾ’ എന്നു ഡി​വൈ​എ​ഫ്ഐ നേതാവ്
ഇ​തി​നി​ടെ യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ​ക്കെ​തി​രേ ഡി​വൈ​എ​ഫ്ഐ ജി​ല്ലാ സെ​ക്ര​ട്ട​റി സ​രി​ൻ ശ​ശി ഫേ​സ്ബു​ക്ക് പോ​സ്റ്റി​ട്ട​തു വി​വാ​ദ​മാ​യി. ക​ല്യാ​ശേ​രി​യി​ലേ​ത് സാ​ന്പി​ളാ​ണെ​ന്നും ക​ന​ഗോ​ലു​ന്‍റെ വാ​ക്ക് കേ​ട്ട് ഇ​നി​യും വി​വ​ര​ക്കേ​ടി​നു വ​ന്നാ​ൽ പൊ​ടി​പോ​ലും കി​ട്ടി​ല്ലെ​ന്നും പോ​സ്റ്റി​ൽ പ​രാ​മ​ർ​ശി​ച്ചു.സം​ഭ​വം വി​വാ​ദ​മാ​യ​പ്പോ​ൾ പോ​സ്റ്റ് പി​ൻ​വ​ലി​ക്കു​ക​യും ചെ​യ്തു.

ആ​ക്ര​മ​ണ​ത്തെ ന്യാ​യീ​ക​രി​ച്ച് സി​പി​എം നേ​താ​ക്ക​ളുംമ​ന്ത്രി​മാ​രും
ക​രി​ങ്കൊ​ടി കാ​ണി​ച്ച യൂ​ത്ത് കോ​ൺ​ഗ്ര​സ്-​കെ​എ​സ്‌​യു പ്ര​വ​ർ​ത്ത​ക​രെ മ​ർ​ദി​ച്ച സം​ഭ​വ​ത്തി​ൽ ഡി​വൈ​എ​ഫ്‌‌​ഐ പ്ര​വ​ർ​ത്ത​ക​രെ ന്യാ​യീ​ക​രി​ച്ച് മ​ന്ത്രി​മാ​ർ ഉ​ൾ​പ്പെ​ടെ​യു​ള്ള സി​പി​എം നേ​താ​ക്ക​ളും രം​ഗ​ത്തു​വ​ന്നു.

മു​ഖ്യ​മ​ന്ത്രി​ക്കെ​തി​രേ ന​ട​ന്ന​ത് ഭീ​ക​ര​പ്ര​വ​ർ​ത്ത​ന​മാ​ണെ​ന്ന എ​ൽ​ഡി​എ​ഫ് ക​ൺ​വീ​ന​ർ ഇ.​പി. ജ​യ​രാ​ജ​ൻ പ​റ​ഞ്ഞു. ക​ല്ലും വ​ടി​ക​ളു​മാ​യി മു​ഖ്യ​മ​ന്ത്രി​യെ ആ​ക്ര​മി​ക്കാ​ൻ വ​രു​ന്ന​വ​ർ​ക്കുനേ​രേ സ്വാ​ഭാ​വി​ക പ്ര​തി​ക​ര​ണ​മാ​ണ് ഉ​ണ്ടാ​യ​തെ​ന്നാ​ണ് ജ​യ​രാ​ജ​ൻ പ​റ​ഞ്ഞ​ത്.

മു​ഖ്യ​മ​ന്ത്രി​ക്കെ​തി​രേ ന​ട​ന്ന​ത് ചാ​വേ​ർ പ്ര​തി​ഷേ​ധ പ​രി​പാ​ടി​യാ​ണെ​ന്നും ബോ​ധ​പൂ​ർ​വം കു​ഴ​പ്പ​ങ്ങ​ൾ ഉ​ണ്ടാ​ക്കാ​നു​ള്ള യൂ​ത്ത് കോ​ൺ​ഗ്ര​സി​ന്‍റെ ശ്ര​മം ജ​നാ​ധി​പ​ത്യ​ത്തി​ന്‍റെ സൗ​ന്ദ​ര്യ​ത്തെ ന​ശി​പ്പി​ക്കു​മെ​ന്നും മ​ന്ത്രി പി.​എ. മു​ഹ​മ്മ​ദ് റി​യാ​സും പ​റ​ഞ്ഞു.

ആ​ത്മ​ഹ​ത്യാ സ്ക്വാ​ഡാ​യാ​ണ് യൂ​ത്ത് കോ​ൺ​ഗ്ര് പ്ര​വ​ർ​ത്തി​ച്ച​തെ​ന്നും അ​തി​നാ​ൽ ആ​ക്ര​മ​ണ​ത്തെ അ​പ​ല​പി​ക്ക​ണ്ട ആ​വ​ശ്യ​മി​ല്ലെ​ന്നും സി​പി​എം സം​സ്ഥാ​ന സെ​ക്ര​ട്ട​റി എം.​വി.​ഗോ​വി​ന്ദ​ൻ പ​റ​ഞ്ഞു. ആ​സൂ​ത്രി​ത​മാ​യ ആ​ക്ര​മ​ണ​മാ​ണ് യൂ​ത്ത് കോ​ൺ​ഗ്ര​സി​ന്‍റെ ഭാ​ഗ​ത്തു നി​ന്നും ഉ​ണ്ടാ​യ​തെ​ന്നും ഒ​രു കൈയേറ്റ​ത്തി​നും സി​പി​എം ത​യാ​റ​ല്ലെ​ന്നും എം.​വി.​ ഗോ​വി​ന്ദ​ൻ പ​റ​ഞ്ഞു.