വ​ധ​ശ്ര​മ​ക്കേ​സ് പ്ര​തി​യും കൂ​ട്ടു​പ്ര​തി​യും ചേ​ർ​ന്ന് പോ​ലീ​സു​കാ​ര​നെ വെ​ട്ടി​പ്പ​രി​ക്കേ​ൽ​പ്പി​ച്ചു

തി​രു​വ​ന​ന്തപു​രം: വ​ർ​ക്ക​ല അ​യി​രൂ​ർ പോ​ലീ​സ് സ്റ്റേ​ഷ​നി​ൽ വ​ധ​ശ്ര​മ​ക്കേ​സ് പ്ര​തി​യും കൂ​ട്ടു​പ്ര​തി​യും ചേ​ർ​ന്ന് പോ​ലീ​സു​കാ​ര​നെ വെ​ട്ടി​പ്പ​രി​ക്കേ​ൽ​പ്പി​ച്ചു. കൃ​ത്യ​ത്തി​ന് ശേ​ഷം ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി​ക​ളെ പോ​ലീ​സ് സാ​ഹ​സി​ക​മാ​യി കീ​ഴ്പ്പെ​ടു​ത്തി അ​റ​സ്റ്റ് ചെ​യ്തു. അ​യി​രൂ​ർ സ്വ​ദേ​ശി ദേ​വ​നാ​രാ​യ​ണ​ൻ (23), ക​ല്ല​ന്പ​ലം സ്വ​ദേ​ശി അനസ്ഖാ​ൻ (26) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ഇ​ന്ന​ലെ രാ​ത്രി പ​ത്ത​ര​യോ​ടെ​യാ​യി​രു​ന്നു സം​ഭ​വം. അ​യി​രൂ​ർ സ്വ​ദേ​ശി​യാ​യ അ​ച്ചു എ​ന്ന യു​വാ​വി​നെ ര​ണ്ട് ദി​വ​സം മു​ൻ​പ് ത​ല​യ്ക്ക​ടി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച സം​ഭ​വ​ത്തി​ലെ പ്ര​തി​യാ​ണ് ദേ​വ​നാ​രാ​യ​ണ​ൻ. ഇ​യാ​ളും സു​ഹൃ​ത്ത് അനസ് ഖാ​നും ബൈ​ക്കി​ൽ ഒ​ളി​സ​ങ്കേ​ത​ത്തി​ലേ​ക്ക് പോ​കു​ന്ന​താ​യ വി​വ​രം ല​ഭി​ച്ച​തി​നെ തു​ട​ർ​ന്ന് അ​യി​രൂ​ർ എ​സ്എ​ച്ച്ഒ വി​പി​ൻ​കു​മാ​റി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ഇ​രു​വ​രെ​യും ക​സ്റ്റ​ഡി​യി​ലെ​ടു​ത്ത് ജീ​പ്പി​ൽ ക​യ​റ്റി സ്റ്റേ​ഷ​നി​ലെ​ത്തി​ച്ചു.

സ്റ്റേ​ഷ​നി​ൽ വ​ച്ച് ദേ​ഹ​പ​രി​ശോ​ധ​ന ന​ട​ത്ത​വെ​യാ​ണ് ബാ​ഗി​ൽ ക​രു​തി​യി​രു​ന്ന വെ​ട്ടു​ക​ത്തി എ​ടു​ത്ത് പോ​ലീ​സു​കാ​രെ വെ​ട്ടാ​ൻ ശ്ര​മി​ച്ചു. ഇ​വ​രെ കീ​ഴ്പ്പെ​ടു​ത്താ​ൻ ശ്ര​മി​ക്ക​വെ സ്റ്റേ​ഷ​നി​ലെ ജി.​ഡി. ചാ​ർ​ജ് ചു​മ​ത​ല​യു​ണ്ടാ​യി​രു​ന്ന ബി​നു എ​ന്ന പോ​ലീ​സു​കാ​ര​ന് വെ​ട്ടേ​റ്റ​ത്.

ബി​നു​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച് ചി​കി​ത്സ ന​ൽ​കി. പോ​ലീ​സി​നെ ആ​ക്ര​മി​ച്ച് ര​ക്ഷ​പ്പെ​ടാ​ൻ ശ്ര​മി​ച്ച പ്ര​തി​ക​ളെ പോ​ലീ​സ് സം​ഘം സാ​ഹ​സി​ക​മാ​യി കീ​ഴ്പ്പെ​ടു​ത്തു​ക​യാ​യി​രു​ന്നു. അന​സ് ഖാ​ന്‍റെ പേ​രി​ൽ പ​ര​വൂ​ർ പോ​ലീ​സ് സ്റ്റേ​ഷ​നി​ൽ കേ​സ് നി​ല​വി​ലു​ണ്ടെ​ന്ന് പോ​ലീ​സ് പ​റ​ഞ്ഞു. പ്ര​തി​ക​ളെ ഇ​ന്ന് കോ​ട​തി​യി​ൽ ഹാ​ജ​രാ​ക്കും.