മണിമല: ബൈക്കിലെത്തിയ യുവാവ് മാടക്കട നടത്തുന്ന മധ്യവയസ്‌കയുടെ സ്വര്‍ണമാല കവര്‍ന്നു. പഴയിടം പാലത്തിനു സമീപം മാടക്കട‍യും ലോട്ടറിക്കച്ചവടവും നടത്തുന്ന തങ്കമണിയുടെ മാലയാണ് കവര്‍ന്നത്.
ഇന്നു രാവിലെ ഏഴിനാണു സംഭവം. ബൈക്കിലെത്തിയ 35 വയസ് തോന്നിക്കുന്ന യുവാവ് തങ്കമണിയോടു മുറുക്കാന്‍ ആവശ്യപ്പെട്ടു. പിന്നാലെ ഒരു ലോട്ടറിയെടുത്തു.
സോഡ കുടിച്ചശേഷം വീണ്ടും ഒരു മുറുക്കാന്‍ കൂടി ആവശ്യപ്പെട്ടു. ഈസമയം രണ്ടു പവന്‍റെ താലിമാല പറിച്ചെടുത്ത് യുവാവ് പഴയിടം പാലം കടന്ന് മണിമല റോഡിലൂടെ കടന്നുകള‍യുകയായിരുന്നു. മണിമല പോലീസ് സ്ഥലത്തെത്തി അന്വേഷണം ആരംഭിച്ചു.
