ആ​രാ​ണ് ആ ​ബോ​സ്? മോ​ച​ന​ദ്ര​വ്യം ആ​വ​ശ്യ​പ്പെ​ട്ട് ഫോ​ണ്‍ ചെ​യ്ത​ത് സ്ത്രീ; ​കു​ട്ടി​യെ ത​ട്ടി​ക്കൊ​ണ്ടു​പോ​കു​ന്ന​ത് ഒ​രാ​ള്‍ നോ​ക്കി നി​ല്‍​ക്കു​ന്നു; സി​സി​ടി​വി​യി​ൽ ക​ണ്ട​യാ​ളെ തേ​ടി പോ​ലീ​സ്

കൊ​ല്ലം/​തി​രു​വ​ന​ന്ത​പു​രം: ആ​റു​വ​യ​സു​കാ​രി​യെ ത​ട്ടി​ക്കൊ​ണ്ടു​പോ​യ​ശേ​ഷം മോ​ച​ന​ദ്ര​വ്യം ആ​വ​ശ്യ​പ്പെ​ട്ട് ഫോ​ണ്‍ ചെ​യ്ത സ്ത്രീ ​സൂ​ചി​പ്പി​ച്ച ബോ​സ് ആ​രെ​ന്ന അ​ന്വേ​ഷ​ണ​ത്തി​ലാ​ണ് പോ​ലീ​സ്.

ഇ​ന്ന​ലെ വൈ​കി​ട്ട് അ​ബി​ഗേ​ലും സ​ഹോ​ദ​ര​നും വീ​ടി​ന​ടു​ത്തു​ള്ള ട്യൂ​ഷ​ൻ ക്ലാ​സി​ലേ​ക്ക് പോ​കു​ന്പോ​ഴാ​ണ് കാ​റി​ലെ​ത്തി​യ സം​ഘം അ​ബി​ഗേ​ലി​നെ ത​ട്ടി​ക്കൊ​ണ്ടു​പോ​യ​ത്. സ​ഹോ​ദ​ര​നേ​യും ത​ട്ടി​ക്കൊ​ണ്ടു​പോ​കാ​ൻ ശ്ര​മി​ച്ചെ​ങ്കി​ലും കു​ട്ടി കു​ത​റി​യോ​ടി​യ​തി​നാ​ൽ ര​ക്ഷ​പ്പെട്ടു.

സം​ഭ​വ​ത്തി​നു​ശേ​ഷം ഇ​ന്ന​ലെ രാ​ത്രി​യോ​ടെ ഒ​രു സ്ത്രീ​യാ​ണ് കു​ട്ടി​യു​ടെ ബ​ന്ധു​ക്ക​ളെ ര​ണ്ടുത​വ​ണ വി​ളി​ച്ച് മോ​ച​ന​ദ്ര​വ്യം ആ​വ​ശ്യ​പ്പെ​ട്ട​ത്. ആ​ദ്യം അ​ഞ്ചു​ല​ക്ഷം ആ​വ​ശ്യ​പ്പെ​ട്ടെ​ങ്കി​ലും പി​ന്നീ​ട് പ​ത്തു​ല​ക്ഷം വേ​ണ​മെ​ന്ന് ആ​വ​ശ്യ​പ്പെ​ട്ടു.

പ​ണം കി​ട്ടി​യാ​ൽ ഇ​ന്ന് രാ​വി​ലെ 10ന് ​കു​ട്ടി​യെ വി​ട്ടു​ത​രാ​മെ​ന്നാ​ണ് അ​വ​ർ പ​റ​ഞ്ഞ​ത്. പ​ണം ത​രാ​മെ​ന്നും സ്ഥ​ലം പ​റ​ഞ്ഞാ​ൽ എ​ത്തി​ക്കാ​മെ​ന്നും ബ​ന്ധു പ​റ​ഞ്ഞ​പ്പോ​ൾ നി​ങ്ങ​ൾ പ​ണം അ​റേ​ഞ്ച് ചെ​യ്താ​ൽ മ​തി കു​ട്ടി​യെ വീ​ട്ടി​ൽ എ​ത്തി​ച്ചോ​ളാ​മെ​ന്നും ഞ​ങ്ങ​ളു​ടെ ബോ​സ് പ​റ​ഞ്ഞി​രി​ക്കു​ന്ന​ത് രാ​വി​ലെ 10നു ​കൊ​ടു​ക്ക​ണ​മെ​ന്നു​മാ​ണെ​ന്ന് സ്ത്രീ ​ബ​ന്ധു​വി​നോ​ട് പ​റ​ഞ്ഞു. പോ​ലീ​സി​നെ അ​റി​യി​ക്ക​രു​തെ​ന്ന് താ​ക്കീ​ത് ന​ൽ​കി​യ ശേ​ഷം ഫോ​ൺ ക​ട്ടാ​യി.

മോ​ച​ന​ദ്ര​വ്യം ആ​വ​ശ്യ​പ്പെ​ട്ട​തും എ​ല്ലാം നി​യ​ന്ത്രി​ക്കു​ന്ന​ത് ഒ​രു ബോ​സ് ആ​ണെ​ന്ന സൂ​ച​ന ന​ൽ​കി​യ​തും അ​ന്വേ​ഷ​ണം വ​ഴി​തി​രി​ച്ചു വി​ടാ​നാ​ണോ​യെ​ന്ന സം​ശ​യ​വും പോ​ലീ​സി​നു​ണ്ട്. ആ​ദ്യ​ത്തെ കോ​ൾ വ​ന്ന​ത് പാ​രി​പ്പ​ള്ളി​യി​ലെ ഒ​രു ക​ട​യു​ട​മ​യു​ടെ ഫോ​ണി​ല്‍നി​ന്നാ​യി​രു​ന്നു.

ക​ട​യി​ല്‍ സാ​ധ​നം വാ​ങ്ങാ​നെ​ന്ന വ്യാ​ജേ​ന എ​ത്തി​യ സ്ത്രീ​യും പു​രു​ഷ​നു​മാ​ണ് ത​ന്‍റെ ഫോ​ണ്‍ വാ​ങ്ങി വി​ളി​ച്ച​തെ​ന്ന് ക​ട​യു​ട​മ പ​റ​ഞ്ഞു.
അതേസമയം കു​ട്ടി​യെ ത​ട്ടി​ക്കൊ​ണ്ടു​പോ​കു​ന്ന സി​സി​ടി​വി ദൃ​ശ്യ​ങ്ങ​ളിൽ കു​ട്ടി​യെ ത​ട്ടി​ക്കൊ​ണ്ടു​പോ​കു​ന്ന​ത് ഒ​രാ​ള്‍ നോ​ക്കി നി​ല്‍​ക്കു​ന്ന​ത് കാ​ണാം. ഇ​യാ​ളെ ക​ണ്ടെ​ത്താ​നും പോലീ​സ് ശ്ര​മി​ക്കു​ന്നു​ണ്ട്.

അ​ന്വേ​ഷ​ണംതീ​ര​ദേ​ശമേ​ഖ​ല​യി​ലും
കു​ട്ടി​യ ത​ട്ടി​ക്കൊ​ണ്ട് പോ​കാ​ൻ ഉ​പ​യോ​ഗി​ച്ച കാ​ർ ക​ണ്ടെ​ത്താ​ൻ അ​ന്വേ​ഷ​ണം തീ​ര​ദേ​ശ മേ​ഖ​ല​യി​ലും. വേ​ള​മാ​നൂ​രി​ൽനി​ന്ന് ചി​റ​ക്ക​ര വ​ഴി കാ​ർ പ​ര​വൂ​ർ പു​ത്ത​ൻ കു​ള​ത്ത് എ​ത്തി​യ​ത​യി സ്ഥി​രീ​ക​രി​ച്ചു.

അ​വി​ടു​ന്ന് പ​ര​വൂ​രി​ൽ എ​ത്തി​യാ​ൽ തീ​ര​ദേ​ശ റോ​ഡ് വ​ഴി വ​ർ​ക്ക​ല​യി​ലും കൊ​ല്ല​ത്തും പോ​കാം. ഇ​തി​ന്‍റെ അ​ടി​സ്ഥാ​ന​ത്തി​ൽ അ​ന്വേ​ഷ​ണ സം​ഘം തീ​ര​ദേ​ശ​മേ​ഖ​ല​യി​ൽ എ​ത്തി നി​ൽ​ക്കു​ന്ന​ത്.

കാ​പ്പി​ൽ വ​ഴി വ​ർ​ക്ക​ല പോ​യാ​ൽ നി​ര​വ​ധി വി​ജ​ന​മാ​യ സ്ഥ​ല​മു​ണ്ട്. മു​ക്കം, താ​ന്നി, ഇ​ര​വി​പു​രം വ​ഴി കൊ​ല്ല​ത്ത് പോ​യാ​ലും നി​ര​വ​ധി സ്ഥ​ല​ങ്ങ​ളി​ൽ ഒ​ളി​ച്ചി​രി​ക്കാം. ഇ​ത്ത​ര​ത്തി​ൽ അ​ന്വേ​ഷ​ണം തു​ട​ങ്ങി ക​ഴി​ഞ്ഞു.