കൊച്ചി: വില്പനയ്‌ക്കെത്തിച്ച എംഡിഎംഎയുമായി മൂന്നു യുവാക്കള്‍ അറസ്റ്റില്‍. കാസര്‍ഗോഡ് സ്വദേശികളായ ഷാഹിദ്(24), നിസാമുദീന്‍(23), അഹമ്മദ് റാഷിദ്(27) എന്നിവരെയാണ് എറണാകുളം സെന്‍ട്രല്‍ എസ്‌ഐ അനൂപ് ചാക്കോയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
ഇവരുടെ പക്കല്‍ നിന്ന് 7.61 ഗ്രാം എംഡിഎംഎ പോലീസ് പിടിച്ചെടുത്തു. മംഗലാപുരത്തു നിന്ന് എത്തിച്ച എംഡിഎംഎ ചെറിയ കവറുകളിലാക്കി വില്പനയ്ക്ക് തയാറാക്കുമ്പോഴായിരുന്നു എറണാകുളം നോര്‍ത്തിലുള്ള ഉഡുപ്പി ഹോട്ടലില്‍നിന്ന് പ്രതികള്‍ പിടിയിലായത്.
മയക്കുമരുന്ന് നിറയ്ക്കായി സൂക്ഷിച്ചിരുന്ന കവറുകളും ഇവരില്‍ നിന്ന് പോലീസ് കണ്ടെത്തി. പ്രതികളെ ഇന്ന് കോടതിയില്‍ ഹാജരാക്കും.
