കു​ട്ടി​യെ ത​ട്ടി​ക്കൊ​ണ്ടുപോ​യ കേ​സ്; ആ​ദ്യം ചോ​ദ്യം ചെ​യ്യ​ൽ, പി​ന്നെ തെ​ളി​വെ​ടു​പ്പ്

കൊ​ല്ലം: ഓ​യൂ​രി​ൽ ആ​റു വ​യ​സു​കാ​രി​യെ ത​ട്ടി​ക്കൊ​ണ്ട് പോ​യ കേ​സി​ലെ പ്ര​തി​ക​ളെ ഇ​ന്ന് ക്രൈം​ബ്രാ​ഞ്ച് ക​സ്റ്റ​ഡി​യി​ൽ കി​ട്ടു​മെ​ന്ന് പ്ര​തീ​ക്ഷ. പ്രൊ​ഡ​ക്ഷ​ൻ വാ​റ​ണ്ട് അ​നു​സ​രി​ച്ച് മൂ​ന്നു പ്ര​തി​ക​ളെ​യും ഇ​ന്ന് കൊ​ട്ടാ​ര​ക്ക​ര ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കും. അ​പ്പോ​ൾത്തന്നെ ക്രൈം​ബ്രാ​ഞ്ച് സം​ഘം ക​സ്റ്റ​ഡി അ​പേ​ക്ഷ​യും കോ​ട​തി​യി​ൽ സ​മ​ർ​പ്പി​ക്കും.

ക​സ്റ്റ​ഡി​യി​ൽ ല​ഭി​ച്ചാ​ൽ ആ​ദ്യം ചോ​ദ്യം ചെ​യ്യ​ൽ, പി​ന്നീ​ട് തെ​ളി​വെ​ടു​പ്പ് എ​ന്ന രീ​തി​യി​ലാ​ണ് അ​ന്വേ​ഷ​ണ ഉ​ദ്യോ​ഗ​സ്ഥ​ർ പ്ലാ​ൻ ത​യാ​റാ​ക്കി​യി​ട്ടു​ള്ള​ത്. ക​സ്റ്റ​ഡി​യി​ൽ ല​ഭി​ക്കു​ന്ന ദി​വ​സ​ങ്ങ​ളു​ടെ എ​ണ്ണ​ത്തി​ന് അ​നു​സ​രി​ച്ച് ഇ​തി​ൽ മാ​റ്റം വ​രു​ത്താ​നു​ള്ള സാ​ധ്യ​ത​യു​മു​ണ്ട്.

കൊ​ട്ടാ​ര​ക്ക​ര​യി​ലെ റൂ​റ​ൽ ക്രൈം​ബ്രാ​ഞ്ച് ആ​സ്ഥാ​ന​ത്ത് ത​ന്നെ​യാ​യി​രി​ക്കും ആ​ദ്യ ദി​വ​സ​ത്തെ ചോ​ദ്യം ചെ​യ്യ​ൽ. മൂ​ന്നു​പേ​രെ​യും ഒ​രു​മി​ച്ചും വെ​വേ​റെ​യും ചോ​ദ്യം ചെ​യ്യാ​ൻ ത​ന്നെ​യാ​ണ് തീ​രു​മാ​നം. പ്ര​തി​ക​ളെ ചോ​ദ്യം ചെ​യ്യു​ന്ന​തി​നാ​യി ല​ഭ്യ​മാ​യ പ​ര​മാ​വ​ധി തെ​ളി​വു​ക​ൾ അ​ന്വേ​ഷ​ണ സം​ഘം ശേ​ഖ​രി​ച്ചുക​ഴി​ഞ്ഞു.

ഒ​ന്നാം പ്ര​തി പ​ദ്മ​കു​മാ​റി​ന് അ​ഞ്ചു കോ​ടി രൂ​പ​യു​ടെ സാ​മ്പ​ത്തി​ക ബാ​ധ്യ​ത​യു​ണ്ടോ എ​ന്ന് സ്ഥി​രീ​ക​രി​ക്കാ​ൻ ഇ​യാ​ൾ​ക്ക് ഇ​ട​പാ​ടു​ക​ളു​ള്ള ബാ​ങ്കു​ക​ളി​ൽ നി​ന്നും മ​റ്റ് സ്ഥാ​പ​ന​ങ്ങ​ളി​ൽ നി​ന്നും ഇ​ന്ന​ലെ അ​ന്വേ​ഷ​ണ സം​ഘം വി​വ​ര​ങ്ങ​ൾ ശേ​ഖ​രി​ച്ചു. പ​ര​വൂ​ർ, ചാ​ത്ത​ന്നൂ​ർ മേ​ഖ​ല​ക​ളി​ലാ​യി​രു​ന്നു പ​രി​ശോ​ധ​ന​യും വി​വ​ര ശേ​ഖ​ര​ണ​വും ന​ട​ന്ന​ത്. മാ​ത്ര​മ​ല്ല ഇ​യാ​ൾ​ക്ക് ഇ​ത്ര​യും വ​ലി​യ സാ​മ്പ​ത്തി​ക ബാ​ധ്യ​ത വ​രാ​നു​ള്ള കാ​ര​ണ​ത്തെ കു​റി​ച്ചും ക്രൈം​ബ്രാ​ഞ്ച് അ​ന്വേ​ഷി​ക്കു​ന്നു​ണ്ട്.

വ​ൻ തു​ക​ക​ളു​ടെ സാ​മ്പ​ത്തി​ക ഇ​ട​പാ​ടു​ക​ൾ അ​ന​ധി​കൃ​ത​മാ​യി ആ​രെ​ങ്കി​ലു​മാ​യി ന​ട​ത്തി​യു​ണ്ടാ​കാം എ​ന്നാ​ണ് ക്രൈം​ബ്രാ​ഞ്ച് ക​രു​തു​ന്ന​ത്. മ​റ്റാ​രു​മെ​ങ്കി​ലു​മാ​യി ചേ​ർ​ന്ന് ബി​സി​ന​സ് ന​ട​ത്തി സാ​മ്പ​ത്തി​ക പ​രാ​ജ​യം ഉ​ണ്ടാ​യോ എ​ന്ന​തും അ​ന്വേ​ഷ​ണ പ​രി​ധി​യി​ൽ ഉ​ണ്ട്. പ്ര​തി​ക​ളെ ക​സ്റ്റ​ഡി​യി​ൽ ചോ​ദ്യം ചെ​യ്താ​ലേ ഇ​ക്കാ​ര്യ​ത്തി​ൽ കൂ​ടു​ത​ൽ വ്യ​ക്ത​ത വ​രു​ത്താ​ൻ ക​ഴി​യു​ക​യു​ള്ളൂ.

പ്ര​തി​ക​ളു​ടെ മൊ​ബൈ​ൽ ഫോ​ൺ കോ​ളു​ക​ളു​ടെ വി​ശ​ദാം​ശ​ങ്ങ​ളും അ​ന്വേ​ഷ​ണ സം​ഘം ശേ​ഖ​രി​ച്ച് ക​ഴി​ഞ്ഞു. പ്ര​തി​ക​ൾ​ക്ക് ഓ​രോ​രു​ത്ത​ർ​ക്കും എ​ത്ര ഫോ​ണു​ക​ൾ ഉ​ണ്ട്, വേ​റേ സിം ​കാ​ർ​ഡു​ക​ൾ നേ​രേ​ത്തേ ഉ​പ​യോ​ഗി​ച്ചി​രു​ന്നോ എ​ന്ന കാ​ര്യ​ങ്ങ​ളും പ​രി​ശോ​ധി​ച്ച് വ​രി​ക​യാ​ണ്.

ത​ട്ടി​ക്കൊ​ണ്ട് പോ​ക​ൽ ആ​സൂ​ത്ര​ണം ചെ​യ്തി​ട്ട് ഒ​രു വ​ർ​ഷ​മാ​യി എ​ന്ന മൊ​ഴി​യു​ടെ അ​ടി​സ്ഥാ​ന​ത്തി​ൽ ഇ​ക്കാ​ല​യ​ള​വി​ലെ പ്ര​തി​ക​ളു​ടെ വാ​ട്‌​സ് ആ​പ്പ് ചാ​റ്റു​ക​ളും പ​രി​ശോ​ധി​ക്കും. ഇ​വ ഫോ​ണി​ൽ ഇ​ല്ല​ങ്കി​ൽ അ​ത് ല​ഭ്യ​മാ​ക്കാ​ർ വാ​ട്സ് ആ​പ്പ് അ​ധി​കൃ​ത​രെ സ​മീ​പി​ക്കാ​നും അ​ന്വേ​ഷ​ണ സം​ഘം തീ​രു​മാ​നി​ച്ചി​ട്ടു​ണ്ട്.
പ്ര​തി​ക​ൾ​ക്ക് മ​റ്റാ​രു​ടെ​യെ​ങ്കി​ലും സ​ഹാ​യം ല​ഭി​ച്ചി​ട്ടു​ണ്ടോ എ​ന്ന കാ​ര്യ​വും ക്രൈം​ബ്രാ​ഞ്ച് സം​ഘം പ​രി​ശോ​ധി​ച്ച് വ​രി​ക​യാ​ണ്.

കു​ട്ടി​യെ ത​ട്ടി​ക്കൊ​ണ്ട് പോ​യ​തി​നു​ശേ​ഷ​വും പി​ന്നീ​ട് ആ​ശ്രാ​മം മൈ​താ​നി​യി​ൽ ഉ​പേ​ക്ഷി​ച്ച​തി​നും മ​ധ്യേ പ്ര​തി​ക​ൾ വാ​ഹ​ന​ങ്ങ​ൾ മാ​റി മാ​റി ഉ​പ​യോ​ഗി​ച്ചു​ണ്ട്. ഇ​തി​ന് ആ​രെ​ങ്കി​ലും സ​ഹാ​യം ന​ൽ​കി​യോ എ​ന്ന​താ​ണ് മ​റ്റൊ​രു അ​ന്വേ​ഷ​ണ വി​ഷ​യം.

പ​ദ്മ​കു​മാ​റി​ന്റെ​യും കു​ടും​ബ​ത്തി​ന്റെ​യും മൊ​ത്തം ആ​സ്തി​ക​ൾ സം​ബ​ന്ധി​ച്ചും ക്രൈം​ബ്രാ​ഞ്ച് സം​ഘ​ത്തി​ന് ക​ണ​ക്കെ​ടു​പ്പ് ന​ട​ത്തേ​ണ്ട​തു​ണ്ട്. പ​ത്ത് ല​ക്ഷം രൂ​പ​യ്ക്ക് അ​ടി​യ​ന്തി​ര ആ​വ​ശ്യം ഉ​ണ്ടാ​യ​തി​നാ​ലാ​ണ് കു​ട്ടി​യെ ത​ട്ടി​ക്കൊ​ണ്ട് പോ​യ​തെ​ന്നാ​ണ് പ​ദ്മ​കു​മാ​ർ പോ​ലീ​സി​ൽ മൊ​ഴി ന​ൽ​കി​യി​ട്ടു​ള്ള​ത്. ഈ ​തു​ക ല​ഭി​ക്കാ​നാ​യി ആ​രെ​ങ്കി​ലും കു​ടും​ബ​ത്തെ ഭീ​ഷ​ണി​പ്പെ​ടു​ത്തി​യോ സ​മ്മ​ർ​ദ​ത്തി​ലാ​ക്കു​ക​യോ ചെ​യ്തി​ട്ടു​ണ്ടോ എ​ന്ന് ക്രൈം​ബ്രാ​ഞ്ച് സം​ഘം സം​ശ​യി​ക്കു​ന്നു​ണ്ട്.

ഇ​വ​രു​ടെ വെ​ള്ള​ക്കാ​ർ കു​ട്ടി​യെ ത​ട്ടി​ക്കൊ​ണ്ട് പോ​കു​ന്ന​തി​ന് മു​മ്പ് പ​ല സ്ഥ​ല​ങ്ങ​ളി​ലും ദു​രൂ​ഹ സാ​ഹ​ച​ര്യ​ത്തി​ൽ പ​ല​രും ക​ണ്ടി​ട്ടു​ണ്ട്. ഇ​തി​ന്റെ ചി​ല ദൃ​ശ്യ​ങ്ങ​ൾ അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്കും ല​ഭി​ച്ചി​ട്ടു​ണ്ട്. കൂ​ടു​ത​ൽ കു​ട്ടി​ക​ളെ ത​ട്ടി​ക്കൊ​ണ്ട് പോ​കാ​ൻ പ്ര​തി​ക​ൾ പ​ദ്ധ​തി ഇ​ട്ടി​രു​നോ എ​ന്ന കാ​ര്യ​ത്തി​ലും ഇ​വ​രെ ചോ​ദ്യം ചെ​യ്ത ശേ​ഷ​മേ വ്യ​ക്ത​ത വ​രി​ക​യു​ള്ളൂ.

ലോ​ക്ക​ൽ പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ന് എ​തി​രേ വ്യാ​പ​ക ആ​ക്ഷേ​പ​ങ്ങ​ൾ നി​ല​നി​ൽ​ക്കു​ന്ന​തി​നാ​ൽ ജാ​ഗ്ര​ത​യോ​ടെ​യാ​ണ് ക്രൈം​ബ്രാ​ഞ്ച് സം​ഘം അ​ന്വേ​ഷ​ണ​വു​മാ​യി മു​ന്നോ​ട്ട് പോ​കു​ന്ന​ത്.

എ​സ്.​ആ​ർ.​ സു​ധീ​ർ കു​മാ​ർ