ബോളിവുഡ് ആരാധകരെ സംബന്ധിച്ചിടത്തോളം ഈ വർഷം ബ്ലോക്ക്ബസ്റ്ററിൽ കുറവുണ്ടായിരുന്നില്ല എന്ന് പറഞ്ഞാൽ തെറ്റില്ല. കിംഗ് ഖാൻ ശൈലിയിൽ പത്താനും ജവാനുമായി ഷാരൂഖ് ഖാൻ ബിഗ് സ്‌ക്രീനിലേക്ക് തന്‍റെ വരവ് പ്രഖ്യാപിച്ചു. സൽമാൻ ഖാന്‍റെ ദീപാവലി ഓഫറായ ടൈഗർ 3 2023 നെ കൂടുതൽ മികച്ചതാക്കി.
ഷാരൂഖ് ഖാന്‍റെ ജവാൻ ആണ് ഏറ്റവും കൂടുതൽ ആളുകൾ തിരഞ്ഞ ചിത്രം. തന്‍റെ പവർ-പാക്ക്ഡ് അവതാരത്തിലൂടെ നടൻ തന്നെ ബോളിവുഡിന്‍റെ ബാദ്ഷാ എന്ന് വിളിക്കുന്നത് എന്തുകൊണ്ടാണെന്ന് ഒരിക്കൽ കൂടി തെളിയിച്ചു. അടുത്തത് സണ്ണി ഡിയോളിന്‍റെ ഗദർ 2 ആണ്.
2001 ലെ ഗദർ: ഏക് പ്രേം കഥയുടെ തുടർച്ചയായ ഈ ചിത്രം റെക്കോർഡുകൾ തകർത്ത് തിരുത്തിയെഴുതി. ഗദർ 2 ന് ശേഷം ക്രിസ്റ്റഫർ നോളന്‍റെ ഓപ്പൺഹൈമർ, ഓം റൗട്ട് സംവിധാനം ചെയ്ത ആദിപുരുഷ് എന്നിങ്ങനെയാണ്. ഗൂഗിളിൽ ഏറ്റവും കൂടുതൽ തിരഞ്ഞ അഞ്ചാമത്തെ സിനിമ പത്താൻ ആയിരുന്നു. നാല് വർഷത്തെ ഇടവേളയ്ക്ക് ശേഷം സിദ്ധാർത്ഥ് ആനന്ദ് ചിത്രത്തിലൂടെ ഷാരൂഖ് തിരിച്ചുവരവ് നടത്തി.
ഷാഹിദ് കപൂറും വിജയ് സേതുപതിയും സംവിധായകൻ രാജും ഡികെയും ഒരു കുടക്കീഴിൽ വന്നാൽ എന്ത് സംഭവിക്കും? ഫാർസി എന്ന് ആരാധകർ നിലവിളിക്കുന്നു. അതെ ആമസോൺ പ്രൈം വീഡിയോ സീരീസ് തിരയൽ ട്രെൻഡുകളിൽ ഇത് ആധിപത്യം സ്ഥാപിച്ചു. നെറ്റ്ഫ്ലിക്സിന്‍റെ വെഡ്നെസ്ഡേയാണ് രണ്ടാം സ്ഥാനം നേടിയത്. വെഡ്നെസ്ഡേ ആഡംസ് എന്ന നിലയിൽ ജെന്ന ഒർട്ടേഗയെ അവതരിപ്പിക്കുന്ന ഹൊറർ-കോമഡി എല്ലാ ബോക്സുകളും ടിക്ക് ചെയ്തു. അടുത്ത സീസണിനായി നിർമാതാക്കൾ പണി തുടങ്ങിക്കഴിഞ്ഞു.
2023 കിയാര അദ്വാനിയുടെ വർഷമായിരുന്നു. സിദ്ധാർത്ഥ് മൽഹോത്രയെ വിവാഹം കഴിക്കുന്നത് മുതൽ വിജയകരമായ റിലീസുകളിൽ വരെ നിറഞ്ഞുനിന്നു. സെർച്ചിംഗ് ട്രെൻഡുകളിൽ കിയാര ഒന്നാമതെത്തി. സിദ്ധാർത്ഥും പട്ടികയിൽ ഇടം നേടിയിരുന്നു. ബിഗ് ബോസ് ഒടിടി 2 വിജയി എൽവിഷ് യാദവ് ഓൺലൈനിൽ ഏറ്റവുമധികം ആളുകൾ തിരഞ്ഞ സെലിബ്രിറ്റികളുടെ പട്ടികയിൽ അഞ്ചാം സ്ഥാനത്താണ്. ബിഗ് ബോസ് ഹൗസിനുള്ളിലെ ഗെയിം പ്ലാനിലൂടെ എൽവിഷ് ആരാധകർക്ക് ഏറെ പ്രിയപ്പെട്ടവനായിരുന്നു.
