മെക്‌സിക്കോ: മെക്‌സിക്കോയില്‍ ക്രിസ്മസ് പാര്‍ട്ടിക്കിടെയുണ്ടായ വെടിവയ്പില്‍ 16 പേര്‍ കൊല്ലപ്പെട്ടു.ഇരുപതോളം പേര്‍ക്ക് പരിക്ക്. ഇവരെ ആശുപത്രിയിലേക്ക് മാറ്റി. ഇതില്‍ പത്ത് പേരുടെ നില ഗുരുതരമാണ്.
ക്രിസ്മസിന് മുന്നോടിയായി നൂറോളം ചെറുപ്പക്കാര്‍ ഒത്തുചേര്‍ന്ന പാര്‍ട്ടിക്കിടെയാണ് സംഭവം. തോക്കുമായെത്തിയ ആറംഗസംഘം ഇവര്‍ക്കുനേരേ വെടിയുതിര്‍ക്കുകയായിരുന്നു.
വെടിവയ്പിന്‍റെ കാരണമെന്താമെന്ന് വ്യക്തമല്ല. രാജ്യത്ത് പതിവുള്ള അധോലോക സംഘങ്ങളുടെ ഏറ്റുമുട്ടലാകാം ഉണ്ടായതെന്നാണ് പോലീസിന് ലഭിച്ചിരിക്കുന്ന സൂചന.
സംഭവത്തില്‍ അന്വേഷണം പുരോഗമിക്കുകയാണ്.
