ന്യൂഡൽഹി: ആന്ധ്രാപ്രദേശിലെ വൈഎസ്ആർ കോൺഗ്രസ് പാർട്ടിയിൽ അംഗത്വം സ്വീകരിച്ച് മുൻ ക്രിക്കറ്റ് താരം അംബാട്ടി റായിഡു. ആന്ധ്രാപ്രദേശ് മുഖ്യമന്ത്രി വൈ.എസ്. ജഗൻ മോഹൻ റെഡ്ഡി ഉപമുഖ്യമന്ത്രി കെ.നാരായണ സ്വാമി രാജ്യസഭ എംപി മിഥുൻ റെഡ്ഡി എന്നിവർ ചേർന്നാണ് താരത്തെ പാർട്ടിയിലേക്ക് സ്വീകരിച്ചത്.
വൈഎസ്ആറിന്‍റെ ഔദ്യോഗിക എക്സ് അക്കൗണ്ടിലൂടെയാണ് അംഗത്വം വിവരം പുറത്തുവിട്ടത്. വൈഎസ്ആറിന്‍റെ ഷാൾ അണിയിച്ചാണ് മുഖ്യമന്ത്രി ജഗൻ മോഹൻ റെഡ്ഡി റായിഡുവിനെ സ്വീകരിച്ചത്.
ഇന്ത്യൻ ക്രിക്കറ്റ് ടീമിനുവേണ്ടി 2013ലാണ് അംബാട്ടി റായിഡു അരങ്ങേറ്റം മത്സരം കളിക്കുന്നത്. കഴിഞ്ഞ ഐപിഎൽ സീസണിൽ കിരീടം സ്വന്തമാക്കിയ ചെന്നൈ സൂപ്പർ കിംഗ്സ് താരമായിരുന്നു റായിഡു ഐപിഎല്ലിൽ നിന്നും വിരമിക്കൽ പ്രഖ്യാപിച്ചിരുന്നു.
