ക​ടം​വാ​ങ്ങി​യ 15 ല​ക്ഷം തി​രി​കെ ന​ൽ​കി​യി​ല്ല; സു​ഹൃ​ത്തി​നെ ക്രി​മി​ന​ൽ കേ​സി​ൽ കു​ടു​ക്കാ​ൻ സ്വ​യം വെ​ടി​വ​ച്ചു; യു​വാ​വി​ന്‍റെ ത​ന്ത്രം പൊ​ളി​ച്ച് പോ​ലീ​സ്

ഗ്രേ​റ്റ​ർ നോ​യി​ഡ: സു​ഹൃ​ത്തി​നെ ക​ള്ള​ക്കേ​സി​ൽ കു​ടു​ക്കാ​ൻ സ്വ​യം വെ​ടി​വ​ച്ച് പ​രി​ക്കേ​ൽ​പ്പി​ച്ച​യാ​ൾ അ​റ​സ്റ്റി​ൽ. ഗ്രേ​റ്റ​ർ നോ​യി​ഡ​യി​ൽ ദാ​ദ്രി പോ​ലീ​സ് സ്റ്റേ​ഷ​ൻ പ​രി​ധി​ക്ക് കീ​ഴി​ലു​ള്ള കാ​ന്ത് മ​ണ്ടി പ്ര​ദേ​ശ​ത്താ​ണ് സം​ഭ​വം.

ത​നൂ​ജ് ന​ഗ​ർ എ​ന്ന​യാ​ൾ ര​ണ്ട് വ​ർ​ഷം മു​മ്പ് ഋ​ഷ​ഭ് ഗു​പ്ത​യ്ക്ക് 15 ല​ക്ഷം രൂ​പ ക​ടം ന​ൽ​കി​യി​രു​ന്നു. ‌എ​ന്നാ​ൽ ഋ​ഷ​ഭ് ഈ ​പ​ണം ത​നൂ​ജി​ന് തി​രി​കെ ന​ൽ​കാ​ൻ വൈ​കി. ക​ഴി​ഞ്ഞ ദി​വ​സം ഇ​തി​നെ​ക്കു​റി​ച്ച് ചോ​ദി​ക്കാ​ൻ ത​നൂ​ജ്, ഋ​ഷ​ഭി​ന്‍റെ വീ​ട്ടി​ലെ​ത്തി.

മ​റ്റൊ​രു സു​ഹൃ​ത്തി​നൊ​പ്പ​മാ​ണ് ത​നൂ​ജ് വീ​ട്ടി​ലെ​ത്തി​യ​ത്. സു​ഹൃ​ത്തി​നെ വീ​ടി​ന് പു​റ​ത്ത് നി​ർ​ത്തി​യ​തി​ന് ശേ​ഷം ത​നൂ​ജ് അ​ക​ത്തേ​ക്ക് ക​യ​റി​പ്പോ​യി. കു​റ​ച്ച് ക​ഴി​ഞ്ഞ് ത​നൂ​ജ് ഒ​രു തോ​ക്ക് പു​റ​ത്തെ​ടു​ത്ത് കൈ​യി​ൽ സ്വ​യം വെ​ടി​വ​ച്ച ശേ​ഷം വീ​ടി​ന് പു​റ​ത്തേ​ക്ക് ഓ​ടു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു.‌

ഋ​ഷ​ഭി​നെ ക്രി​മി​ന​ൽ കേ​സി​ൽ കു​ടു​ക്കു​ക​യാ​യി​രു​ന്നു ത​നൂ​ജി​ന്‍റെ ത​ന്ത്രം. ആ​ശു​പ​ത്രി​യി​ൽ ക​ഴി​യു​ന്ന ത​നൂ​ജി​ന്‍റെ ആ​രോ​ഗ്യ​നി​ല തൃ​പ്തി​ക​ര​മാ​ണ്. സം​ഭ​വ​ത്തി​ൽ ഇ​തു​വ​രെ കേ​സൊ​ന്നും ര​ജി​സ്റ്റ​ർ ചെ​യ്തി​ട്ടി​ല്ലെ​ങ്കി​ലും നി​യ​മ​ന​ട​പ​ടി​ക​ൾ ആ​രം​ഭി​ക്കു​ന്ന​തി​ന് മു​മ്പ് കാ​ര്യ​ത്തി​ന്‍റെ വ​സ്തു​ത​ക​ൾ ക​ണ്ടെ​ത്തു​ക​യും തോ​ക്കി​ന്‍റെ രേ​ഖ​ക​ൾ പ​രി​ശോ​ധി​ക്കു​ക​യും ചെ​യ്യു​ക​യാ​ണെ​ന്ന് പോ​ലീ​സ് പ​റ​ഞ്ഞു.