സോഷ്യൽ മീഡിയയിൽ അമ്മമാരുടെയും മക്കളുടെയും നിരവധി വീഡിയോകൾ വരാറുണ്ട്. കാഴ്ചയിൽ മക്കളെക്കാളും ചെറുപ്പമായി തോന്നുന്ന അമ്മമാർ സോഷ്യൽ മീഡിയയിലെ വൈറൽ താരങ്ങളാണ്. ഇത്തരത്തിൽ അമ്മയും മക്കളും ഒന്നിച്ചുള്ള ഡാൻസ് വീഡിയോകളും, ഫോട്ടോഷൂട്ടുകളും കണ്ടാൽ അമ്മയേതാ മകളേതാ എന്ന് തിരിച്ചറിയാൻ കുറച്ച് പാടുപെടും.
എന്നാൽ സോഷ്യൽ മീഡിയയിൽ ഇപ്പോൾ വൈറലാകുന്ന അമ്മയ്ക്ക് പ്രായം 29 ഉം മകൾക്ക് 22ഉം ആണ്. വെറും ഏഴ് വയസിന്‍റെ പ്രായവ്യത്യാസമാണ് സാവന ചാപ്പിനും മകൾ ടിസ്സിയ്ക്കും. ടിക്ടോക്കിലെ വൈറൽ താരങ്ങളാണ് സാവനയും ടിസ്സിയും. ഇവർ ഒന്നിച്ചുള്ള ഡാൻസ് വീഡിയോകൾ ടിക്ടോക്കിൽ പങ്കുവയ്ക്കാറുണ്ട്. പക്ഷേ ആളുകൾ വിചാരിച്ചിരിക്കുന്നത് ഇവർ ഇരട്ട സഹോദരികളാണെന്നാണ്. ഇങ്ങനെ ഒരു ട്വിസ്റ്റ് പിന്നിലുണ്ടെന്ന് കരുതിയില്ല.
അമ്മയും മകളുമാണെന്ന് ഇവർ തന്നെ ടിക്ടോകിലൂടെ തുറന്നു പറയുകയും ചെയ്തിരുന്നു. എന്നാൽ അമ്മയ്ക്കും മകൾക്കും എങ്ങനെയാണ് വെറും ഏഴ് വയസിന്‍റെ വ്യത്യാസം വന്നതെന്നാണ് ആളുകളുടെ ചോദ്യം. അധികം ചിന്തിച്ച് കുഴയണ്ട ടിസ്സിയുടെ രണ്ടാനമ്മയാണ് സാവന. അച്ഛൻ രണ്ടാമത് വിവാഹം കഴിച്ച സ്ത്രീ. ‘അച്ഛൻ തന്നേക്കാൾ വെറും ഏഴ് വയസ്സിന് മാത്രം മൂത്ത ഒരാളെയാണ് വിവാഹം ചെയ്യുന്നത് എന്ന കാര്യം ആദ്യം ടിസ്സിയെ ആശങ്കപ്പെടുത്തിയിരുന്നു. എന്നാൽ, അവൾ പിന്നീട് തന്നെ അംഗീകരിച്ചു. തങ്ങൾ നല്ല സൗഹൃദത്തിലാണ്’ എന്നാണ് സാവന പറയുന്നത്.
എന്തായാലും സാവനയും ടിസ്സിയും ഇപ്പോൾ നല്ല സുഹൃത്തുക്കളാണ്. ഇവർക്കെതിരെ സോഷ്യൽ മീഡിയയിൽ ധാരാളം വിമർശന‍ങ്ങളും ഉയർന്ന് വന്നിരിന്നു. പക്ഷേ ഈ അമ്മയും മകളും അതൊന്നും കാര്യമാക്കി എടുക്കാറെ ഇല്ല.
