മണിപ്പുർ സംസ്ഥാന രൂപീകരണ ദിനത്തിൽ ആശംസകൾ നേർന്ന് പ്രധാനമന്ത്രി നരേന്ദ്ര മോദി. സംസ്ഥാനത്തിന്‍റെ സമ്പന്നമായ സംസ്കാരത്തിലും പാരമ്പര്യത്തിലും അഭിമാനം കൊള്ളുന്നുവെന്ന് പ്രധാനമന്ത്രി എക്സിൽ കുറിച്ചു.
ഇന്ത്യയുടെ പുരോഗതിക്ക് മണിപ്പൂർ ശക്തമായ സംഭാവന നൽകിയിട്ടുണ്ട്. മണിപ്പൂരിന്‍റെ സുസ്ഥിര വികസനത്തിനായി പ്രാർഥിക്കുന്നതായും മോദി പറഞ്ഞു. സമൂഹ മാധ്യമമായ എക്സിലൂടെയാണ് മോദി ആശംസകൾ അറിയിച്ചത്.
‘സംസ്ഥാനത്തെ ജനങ്ങൾക്ക് ആശംസകൾ. ഇന്ത്യയുടെ പുരോഗതിക്ക് മണിപ്പുർ ശക്തമായ സംഭാവന നൽകിയിട്ടുണ്ട്. സംസ്ഥാനത്തിന്‍റെ സംസ്കാരത്തിലും പാരമ്പര്യത്തിലും അഭിമാനിക്കുന്നു. മണിപ്പൂരിന്‍റെ സുസ്ഥിര വികസനത്തിനായി പ്രാർഥിക്കുന്നു’ എന്ന് മോദി പറഞ്ഞു. മണിപ്പൂരിനെ കൂടാതെ മേഘാലയയ്‌ക്കും ത്രിപുരയ്‌ക്കും സംസ്ഥാന രൂപീകരണ ദിനത്തിൽ നരേന്ദ്ര മോദി ആശംസകൾ നേർന്നു.
