പത്തനംതിട്ട: സ്വന്തം ലോക്സഭാ മണ്ഡലമായ പത്തനംതിട്ട വിട്ട് മറ്റൊരിടത്തും മത്സരിക്കില്ലെന്ന് പി. സി. ജോർജ്. മത്സരിക്കണമെന്ന് ആവശ്യം പലരും തന്നോട് ഉന്നയിച്ചു, മത്സരിക്കുകയാണെങ്കിൽ പത്തനംതിട്ട അല്ലാതെ മറ്റൊരു മണ്ഡലം പരിഗണനയിലില്ലെന്നും അദ്ദേഹം പറഞ്ഞു.
താൻ മത്സരിക്കുകയാണെങ്കിൽ ജയം സുനിശ്ചിതമാണ്. തോമസ് ഐസക് മൂന്നാം സ്ഥാനത്തേക്ക് പോകും. തന്‍റെ പേര് കേട്ടപ്പോൾതന്നെ ആന്‍റോ ആന്‍റണി പേടിച്ച് മണ്ഡലം മാറ്റി ചോദിച്ചുവെന്നും പി. സി. ജോർജ് വ്യക്തമാക്കി.
കഴിഞ്ഞ ദിവസമാണ് ജനപക്ഷം ബിജെപിയിലേക്ക് ലയിച്ചത്. പി.സി. ജോർജിന് സ്വാധീനമുള്ള പൂഞ്ഞാർ, കാഞ്ഞിരപ്പള്ളി നിയമസഭാ മണ്ഡലങ്ങൾ ഉൾപ്പെടുന്ന പത്തനംതിട്ട ലോക്സഭ മണ്ഡലത്തിൽ തന്നെയാണ് പിസിയുടെ നോട്ടം. പൂഞ്ഞാർ, കാഞ്ഞിരപ്പള്ളി നിയമസഭാ മണ്ഡലങ്ങളിലെ രണ്ടായിരത്തിലധികം വരുന്ന കുടുംബവോട്ടുകളാണ് അദ്ദേഹത്തിന്‍റെ വലിയൊരു പ്രതീക്ഷ.
