കോട്ടയം: നാഗമ്പടം മൈതാനിയിൽ ജംബോ സർക്കസ്…ദിവസേന മൂന്നു ഷോകൾ… കോട്ടയം രാജയുടെ അനൗൺസ്മെന്‍റിൽ സർക്കസ് കൂടാരമുണർന്നു. സഹാസിക പ്രകടനങ്ങളുമായി താരങ്ങളും എത്തി. കൂടാരം വിസ്മയപ്രകടനങ്ങളുടെ മഹോത്സവമായി.
ആഫ്രിക്കൻ കലാകാരൻമാർ അവതരിപ്പിക്കുന്ന സാഹസിക പ്രകടനങ്ങളാണ് സർക്കസിന്‍റെ സവിശേഷത. കായികപ്രകടനങ്ങൾക്കു പുറമെ പുതിയ ഇനങ്ങളായ റോളർ ആക്ട്, ലാഡർ അക്രോബാറ്റ്, റഷ്യൻ സ്റ്റാച്യു ആക്ട്, ഡബിൾ റിംഗ് ആക്ട്, ഡബിൾ സാരി ആക്ട് ഷോയിലെ മുഖ്യ ആകർഷണമാണ്.
നാലിനു തുടങ്ങിയ സർക്കസ് ഒരു മാസത്തോളം നീണ്ടുനിൽക്കും. ഉച്ചയ്ക്ക് ഒന്നിന്, വൈകുന്നേരം നാലിന്, രാത്രി ഏഴിന് എന്നിങ്ങനെയാണു ഷോ. രണ്ടു മണിക്കൂർ ദൈർഘ്യമുള്ള പരിപാടിയിൽ 28 മുതൽ 30 ഇനങ്ങളാണ് അവതരിപ്പിക്കുന്നത്.
