കൊ​ല്ല​ത്ത് ക​ളം​നി​റ​ഞ്ഞ് യു​ഡി​എ​ഫും എ​ൽ​ഡി​എ​ഫും; സ്ഥാ​നാ​ർ​ഥി​യെ തീരുമാനിക്കാതെ ബി​ജെ​പി

എ​സ്.​ആ​ർ. സു​ധീ​ർ കു​മാ​ർ
കൊ​ല്ലം: കൊ​ല്ലം ലോക്സഭാ മ​ണ്ഡ​ല​ത്തി​ൽ പ്ര​ചാ​ര​ണ പ​ര്യ​ട​ന പ​രി​പാ​ടി​ക​ളി​ൽ യു​ഡി​എ​ഫ്-എ​ൽ​ഡി​എ​ഫ് സ്ഥാ​നാ​ർ​ഥി​ക​ൾ ബ​ഹു​ദൂ​രം മു​ന്നേ​റി​യി​ട്ടും ബിജെപി ഇനിയും പാ​ർ​ട്ടി സ്ഥാ​നാ​ർ​ഥി​യെ തീരുമാനിച്ചിട്ടില്ല. പാ​ർ​ട്ടി​ക്കു​ള്ളി​ലെ പ​ട​ലപ്പി​ണ​ക്ക​ങ്ങ​ളും വി​ഭാ​ഗീ​യ​ത​യു​മാ​ണ് സ്ഥാ​നാ​ർ​ഥി നി​ർ​ണ​യം വൈ​കു​ന്ന​തിന്‍റെ പ്ര​ധാ​ന കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

ബി​ജെ​പി ജി​ല്ലാ പ്ര​സി​ഡ​ന്‍റ് ബി. ​ബി. ഗോ​പ​കു​മാ​റി​ന്‍റെ പേ​രാ​ണ് സ്ഥാ​നാ​ർ​ഥി​യാ​യി തു​ട​ക്കം മു​ത​ലേ കേ​ൾ​ക്കു​ന്ന​ത്. എ​ന്നാ​ൽ ഇ​തി​നോ​ട് ഒ​രു വി​ഭാ​ഗം മു​തി​ർ​ന്ന നേ​താ​ക്ക​ൾ​ക്ക് വി​യോ​ജി​പ്പു​ണ്ട്. ദു​ർ​ബ​ല​നാ​യ സ്ഥാ​നാ​ർ​ഥി എ​ന്നാ​ണ് ഇ​വ​രു​ടെ വി​ല​യി​രു​ത​ൽ. ക​രു​ത്ത​നാ​യ സ്ഥാ​നാ​ർ​ഥി​യെ മ​ത്സ​രി​പ്പി​ക്ക​ണ​മെ​ന്ന് ആ​ർ​എ​സ്എ​സും പാ​ർ​ട്ടി കേ​ന്ദ്ര നേ​തൃ​ത്വ​ത്തോ​ട് ആ​വ​ശ്യ​പ്പെ​ട്ടി​ട്ടു​ണ്ട്.

എ​ൻ​ഡി​എ സം​സ്ഥാ​ന ചെ​യ​ർ​മാ​നും ബി​ജെ​പി സം​സ്ഥാ​ന പ്ര​സി​ഡ​ന്‍റുു​മാ​യ കെ. ​സു​രേ​ന്ദ്ര​ൻ ന​യി​ച്ച കേ​ര​ള പ​ദ​യാ​ത്ര കൊ​ല്ലം ജി​ല്ല​യി​ൽ എ​ത്തി​യ​പ്പോ​ൾ ഒ​രു വി​ഭാ​ഗം നേ​താ​ക്ക​ളും പ്ര​വ​ർ​ത്ത​ക​രും വി​ട്ടു നി​ൽ​ക്കു​ക​യു​ണ്ടാ​യി. ഇ​ത് അ​ട​ക്ക​മു​ള്ള സം​ഘ​ട​നാ പ്ര​ശ്ന​ങ്ങ​ൾ പ​രി​ഹ​രി​ക്കു​ന്ന​തി​ന് ഉ​ത​കു​ന്ന ത​ര​ത്തി​ലു​ള്ള സ്ഥാ​നാ​ർ​ഥി​യാ​ക​ണം കൊ​ല്ല​ത്ത് മ​ത്സ​രി​ക്കേ​ണ്ട​തെ​ന്ന അ​ഭി​പ്രാ​യ​വും പാ​ർ​ട്ടി​ക്കു​ള്ളി​ൽ ശ​ക്ത​മാ​ണ്.

ഇ​ട​ത്-​വ​ല​ത് മു​ന്ന​ണി സ്ഥാ​നാ​ർ​ഥി​ക​ൾ ശ​ക്ത​രും ക​രു​ത്ത​രും ആ​യ​തി​നാ​ൽ അ​വ​രോ​ട് കി​ട​പി​ടി​ക്കു​ന്ന സ്ഥാ​നാ​ർ​ഥി​യെ ത​ന്നെ കൊ​ല്ല​ത്ത് വേ​ണം എ​ന്നാ​ണ് ഇ​വ​ർ ഉ​യ​ർ​ത്തു​ന്ന ആ​വ​ശ്യം. മി​സോ​റാം മു​ൻ ഗ​വ​ർ​ണ​റും മു​തി​ർ​ന്ന പാ​ർ​ട്ടി നേ​താ​വു​മാ​യ കു​മ്മ​നം രാ​ജ​ശേ​ഖ​ര​ൻ മ​ത്സ​രി​ച്ചാ​ൽ ഇ​ഞ്ചോ​ടി​ഞ്ച് പോ​രാ​ട്ടം ന​ട​ക്കു​മെ​ന്ന സാ​ധ്യ​ത​യി​ലേ​യ്ക്കും ഇ​വ​ർ വി​ര​ൽ​ചൂ​ണ്ടു​ന്നു.

അ​തേ​സ​മ​യം ബി.​ബി.​ഗോ​പ​കു​മാ​ർ ദു​ർ​ബ​ല​നാ​യ സ്ഥാ​നാ​ർ​ഥി​യ​ല്ല എ​ന്നാ​ണ് അ​ദ്ദേ​ഹ​ത്തെ അ​നു​കൂ​ലി​ക്കു​ന്ന വി​ഭാ​ഗം അ​വ​കാ​ശ​പ്പെ​ടു​ന്ന​ത്. ക​ഴി​ഞ്ഞ ര​ണ്ട് നി​യ​മ​സ​ഭാ തെ​ര​ഞ്ഞെ​ടു​പ്പി​ലും ചാ​ത്ത​ന്നൂ​രി​ൽ ഗോ​പ​കു​മാ​റാ​യി​രു​ന്നു ബി​ജെ​പി സ്ഥാ​നാ​ർ​ഥി. ര​ണ്ട് ത​വ​ണ​യും ഇ​വി​ടെ ബി​ജെ​പി ര​ണ്ടാം സ്ഥാ​ന​ത്ത് എ​ത്തു​ക​യു​മു​ണ്ടാ​യി.

വോ​ട്ട​ർ​മാ​ർ​ക്കി​ട​യി​ൽ അ​ദ്ദേ​ഹ​ത്തി​നു​ള്ള സ്വാ​ധീ​നം ഇ​തി​ലും വ​ലു​താ​യി​രി​ക്കും കൊ​ല്ല​ത്ത് അ​ദ്ദേ​ഹം മ​ത്സ​രി​ച്ചാ​ൽ ഉ​ണ്ടാ​കു​ക എ​ന്നാ​ണ് ജി​ല്ലാ നേ​തൃ​ത്വ​ത്തി​ൽ അ​ദ്ദേ​ഹ​ത്തെ പി​ന്തു​ണ​യ്ക്കു​ന്ന​വ​ർ വി​ല​യി​രു​ത്തു​ന്ന​ത്. സം​സ്ഥാ​ന നേ​തൃ​ത്വ​വും ഇ​തി​നോ​ട് പൂ​ർ​ണ​മാ​യും യോ​ജി​ക്കു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് കൊ​ല്ല​ത്തെ സ്ഥാ​നാ​ർ​ഥി പ​ട്ടി​ക കേ​ന്ദ്ര നേ​തൃ​ത്വ​ത്തി​ന് അ​യ​ച്ചി​ട്ടു​ള്ള​ത്. സ്ഥാ​നാ​ർ​ഥി ആ​രാ​യി​രി​ക്കും എ​ന്ന​ത് സം​ബ​ന്ധി​ച്ച് ഒ​രാ​ഴ്ച​യ്ക്കു​ള്ളി​ൽ വ്യ​ക്ത​ത വ​രും എ​ന്നാ​ണ് പ്ര​തീ​ക്ഷ.

ജ​യ സാ​ധ്യ​ത​യു​ള്ള മ​ണ്ഡ​ല​മാ​ണ് കൊ​ല്ല​മെ​ന്നും ഒ​രി​ക്ക​ലും ഇ​വി​ടെ ദു​ർ​ബ​ല​നാ​യ സ്ഥാ​നാ​ർ​ഥി​യെ നി​ർ​ത്തി​ല്ലെ​ന്നും ജി​ല്ലാ പ്ര​സി​ഡ​ന്‍റ് ബി.​ബി. ​ഗോ​പ​കു​മാ​ർ പ​റ​ഞ്ഞു.തെ​ര​ഞ്ഞെ​ടു​പ്പ് വി​ജ്ഞാ​പ​നം പോ​ലും ഇ​തു​വ​രെ വ​ന്നി​ട്ടി​ല്ല. എ​ങ്കി​ലും പ​ല ത​ല​ത്തി​ലും ഇ​പ്പോ​ഴും ച​ർ​ച്ച​ക​ൾ ന​ട​ക്കു​ക​യാ​ണ്. ഇ​ക്കാ​ര്യ​ത്തി​ൽ പാ​ർ​ട്ടി​ക്ക് ചി​ല മാ​ന​ദ​ണ്ഡ​ങ്ങ​ൾ ഉ​ണ്ട്. വി​ജ​യ സാ​ധ്യ​ത ത​ന്നെ ഇ​തി​ൽ പ​ര​മ പ്ര​ധാ​നം. അ​തി​ന് അ​നു​സ​രി​ച്ചു​ള്ള സ്ഥാ​നാ​ർ​ഥി​യാ​യി​രി​ക്കും കൊ​ല്ല​ത്ത് മ​ത്സ​ര രം​ഗ​ത്ത് ഉ​ണ്ടാ​കു​ക​യെ​ന്നും അ​ദ്ദേ​ഹം അ​സ​ന്നി​ഗ്ധ​മാ​യി വ്യ​ക്ത​മാ​ക്കി.

അ​തേ സ​മ​യം കൊ​ല്ല​ത്തെ യു​ഡി​എ​ഫ് സ്ഥാ​നാ​ർ​ഥി എ​ൻ.​കെ. പ്രേ​മ​ച​ന്ദ്ര​നും എ​ൽ​ഡി​എ​ഫ് സ്ഥാ​നാ​ർ​ഥി എം ​മു​കേ​ഷ് എം​എ​ൽ​എ പ്ര​ചാ​ര​ണ പ്ര​വ​ർ​ത്ത​ന​ങ്ങ​ളി​ൽ ഏ​റെ മു​ന്നി​ലാ​യി ക​ഴി​ഞ്ഞു.വ​ള​രെ നേ​ര​ത്തേ ത​ന്നെ പ്ര​ചാ​ര​ണ പ​ര്യ​ട​നം ആ​രം​ഭി​ച്ച​ത് പ്രേ​മ​ച​ന്ദ്ര​നാ​ണ്. ക​ന​ത്ത വേ​ന​ൽ ചൂ​ടി​നെ​യും അ​വ​ഗ​ണി​ച്ച് അ​ദ്ദേ​ഹ​ത്തി​ൻ്റെ നി​യോ​ജ​ക മ​ണ്ഡ​ല പ​ര്യ​ട​നം തു​ട​രു​ക​യാ​ണ്.

എം. ​മു​കേ​ഷും ആ​ദ്യ​ഘ​ട്ട പ​ര്യ​ട​നം പൂ​ർ​ത്തി​യാ​ക്കി. റോ​ഡ് ഷോ​യി​ലാ​ണ് അ​ദ്ദേ​ഹം പ്ര​ധാ​ന​മാ​യും ശ്ര​ദ്ധ കേ​ന്ദ്രീ​ക​രി​ച്ച​ത്. ഇ​പ്പോ​ൾ അ​ദ്ദേ​ഹം പ​ര​മാ​വ​ധി പൊ​തു പ​രി​പാ​ടി​ക​ളി​ൽ പ​ങ്കെ​ടു​ക്കു​ന്ന തി​ര​ക്കി​ലാ​ണ്. അ​ത് ക​ഴി​ഞ്ഞ് കു​ടും​ബ യോ​ഗ​ങ്ങ​ൾ ആ​രം​ഭി​ക്കും. മു​കേ​ഷി​ന്‍റെ തെ​ര​ഞെ​ടു​പ്പ് പ്ര​ചാ​ര​ണാ​ർ​ഥ​മു​ള്ള പാ​ർ​ല​മെ​ൻ്റ് മ​ണ്ഡ​ലം ക​ൺ​വ​ൻ​ഷ​ൻ ഇ​ന്ന​ലെ കൊ​ല്ലം ആ​ശ്രാ​മ​ത്തെ നീ​ലാം​ബ​രി ഓ​പ്പ​ൺ എ​യ​ർ ഓ​ഡി​റ്റോ​റി​യ​ത്തി​ൽ ന​ട​ന്നു. വി​പു​ല​മാ​യ തെ​ര​ഞ്ഞെ​ടു​പ്പ് ക​മ്മി​റ്റി​യും രൂ​പീ​ക​രി​ച്ചു.

16-ന​കം അ​സം​ബ്ലി മ​ണ്ഡ​ലം ക​ൺ​വ​ൻ​ഷ​നു​ക​ൾ പൂ​ർ​ത്തി​യാ​ക്കും. ബൂ​ത്ത് ത​ലം വ​രെ​യു​ള്ള ക​മി​റ്റി​ക​ൾ 20-ന് ​മു​മ്പും നി​ല​വി​ൽ വ​രും. പ​ര്യ​ട​ന​ത്തി​നും റോ​ഡ്ഷോ​യ്ക്കും പു​റ​മേ സാ​മൂ​ഹി​ക മാ​ധ്യ​മ​ങ്ങ​ളി​ലും ഇ​രു കൂ​ട്ട​രും വ്യ​ത്യ​സ്തമാ​യ പ്ര​ചാ​ര​ണ പ​രി​പാ​ടി​ക​ളാ​ണ് കാ​ഴ്ച​വ​യ്ക്കു​ന്ന​ത്.