മാപ്പ് പോലെയുള്ള സംവിധാനങ്ങൾ സജീവമായതോടെ അറിയാത്ത വഴിയിലൂടെ യാത്ര ചെയ്യുന്നത് ഒരു പ്രശ്നമല്ലാതെ ആയി. അതിനാൽ തന്നെ കയ്യിൽ ഫോണും ഇന്റർനെറ്റും ഉണ്ടെങ്കിൽ വഴി കണ്ടുപിടിക്കുക എന്നത് ഇന്ന് അത്ര വലിയ ബുദ്ധിമുട്ടുള്ള കാര്യമൊന്നുമല്ല.
എന്നാൽ ഗൂഗിൾ മാപ്പ് തന്നെ വഴി തെറ്റിക്കുന്ന സംഭവങ്ങളും ഉണ്ടായിട്ടുണ്ട്. മാപ്പിനെ പിന്തുടർന്ന് പുഴയിലും കാട്ടിലും ചെന്നെത്തിയ ആളുകളുമുണ്ട്. എന്നാൽ അത്തരത്തിൽ അബദ്ധത്തിൽ പെടുന്ന ആളുകളെ സഹായിക്കാൻ ഒരു ബോർഡ് വയ്ക്കുകയാണ് ഈ നാട്ടുകാർ ചെയ്തത്.
ഗൂഗിൾ മാപ്പ് തെറ്റാണ്, ഈ റോഡ് ക്ലബ്ബ് മഹീന്ദ്രയിലേക്ക് പോകില്ല’ എന്നാണ് സൈൻബോർഡിൽ പറഞ്ഞിരിക്കുന്നത്. ഈ വഴി നിങ്ങളുദ്ദേശിക്കുന്ന സ്ഥലത്തേക്കുള്ളതല്ല എന്നാണ്.
ഈ സൈൻബോർഡ് കാണുമ്പോൾ മനസിലാവുന്നത് ഗൂഗിൾ മാപ്പ് നോക്കി വന്ന ഒരുപാട് പേർക്ക് ഇതുപോലെ വഴി തെറ്റിയിട്ടുണ്ട് എന്നാണ്. ‘ നാട്ടുകാർ തന്നെയാണ് ആളുകൾ ഇവിടെയെത്തി വഴി തെറ്റിപ്പോവാതിരിക്കാൻ വേണ്ടി ഇങ്ങനെ ഒരു ബോർഡ് വച്ചിരിക്കുന്നത്.
വളരെ പെട്ടെന്നാണ് കൊഡഗു കണക്ട് (Kodagu Connect) എക്സിൽ പോസ്റ്റ് ചെയ്ത ഈ ചിത്രം ശ്രദ്ധിക്കപ്പെട്ടത്. പോസ്റ്റിന് കമന്‍റുകളുമായി നിരവധിപേരെത്തി. . അടുത്തിടെ ഗൂഗിൾ മാപ്പിന് വല്ലാതെ തെറ്റുകൾ പറ്റുന്നുണ്ട് എന്നായിരുന്നു മിക്കവരുടേയും കമന്‍റ്.
